ប្រធានគណៈកម្មការសហភាពអាហ្វ្រិក (AU)លោក Moussa Faki Mahamat បានអំពាវនាវឲ្យបញ្ចប់ជាបន្ទាន់ចំពោះអរិភាព នៅក្នុងប្រទេសស៊ូដង់ខាងត្បូង។

នៅក្នុងសេចក្តីថ្លែងការណ៍មួយដែលបានចេញផ្សាយកាលពីល្ងាចថ្ងៃសៅរ៍ ប្រធានប្លុកអាហ្រ្វិក បានសម្តែង «ការព្រួយបារម្ភយ៉ាងខ្លាំង» ជុំវិញភាពតានតឹងដែលកំពុងកើនឡើង នៅក្នុងតំបន់ Nasir ក្នុងរដ្ឋ Upper Nile របស់ស៊ូដង់ខាងត្បូង។ ការប៉ះទង្គិចគ្នារួមមានការវាយប្រហារដ៍សាហាវលើឧទ្ធម្ភាគចក្ររបស់អង្គការសហប្រជាជាតិ និងអំពើហិង្សានៅក្នុងតំបន់ផ្សេងទៀតដែលទាំងអស់នេះ «បង្កការគំរាមកំហែងដល់ដំណើរការសន្តិភាព»។

ខណៈដែលជំរុញឲ្យអាជ្ញាធរ ចាប់អ្នកទទួលខុសត្រូវ ឲ្យទទួលខុសត្រូវទាំងស្រុង ប្រធានគណៈកម្មាការនេះ បានអំពាវនាវឲ្យមានការអត់ធ្មត់ជាទីបំផុត ពីគ្រប់ភាគី បញ្ឈប់ជាបន្ទាន់ចំពោះអរិភាព ការប្រកាន់ខ្ជាប់នូវដំណរការរៀបចំបទឈប់បាញ់ និងការចូលរួមក្នុងកិច្ចសន្ទនាថ្នាក់ជាតិ។

លោកបាននិយាយថា បច្ចុប្បន្ននេះ សហភាពអាហ្វ្រិក (AU) កំពុងពិគ្រោះជាមួយអាជ្ញាធរស៊ូដង់ខាងត្បូង អាជ្ញាធរអន្តររដ្ឋាភិបាលនៃប្លុកអាហ្វ្រិកខាងកើត ស្តីពីការអភិវឌ្ឍ និងអ្នកពាក់ព័ន្ធផ្សេងទៀត ដើម្បីសម្របសម្រួលកិច្ចខិតខំប្រឹងប្រែង ដើម្បីកាត់បន្ថយវិបត្តិនេះ។

ប្រធានគណៈកម្មការនេះ បានបញ្ជាក់ឡើងវិញនូវការអំពាវនាវដ៏យូររបស់ AU ដល់ភាគីស៊ូដង់ខាងត្បូង ឲ្យអនុវត្តយ៉ាងពេញលេញនូវការស្តារកិច្ចព្រមព្រៀងឡើងវិញ ស្តីពីដំណោះស្រាយនៃជម្លោះ នៅស៊ូដង់ខាងត្បូង។