ប្រធានាធិបតីបារាំង លោក Emmanuel Macron បាននិយាយកាលពីថ្ងៃចន្ទថា ប្រទេសម៉ុលដាវី កំពុងប្រឈមការប៉ុនប៉ងរបស់រុស្សីកាន់តែខ្លាំងឡើង ក្នុងគោលបំណងធ្វើឱ្យប្រទេសនេះមានអស្ថិរភាព ជាប្រទេសមានព្រំដែនជាមួយប្រទេសអ៊ុយក្រែន និងមានបំណងចូលរួមជាមួយសហភាពអឺរ៉ុបនៅឆ្នាំ២០៣០ ។

លោក បាននិយាយក្នុងសន្និសីទសារព័ត៌មានមួយជាមួយសមភាគីប្រទេសម៉ុលដូវី លោកស្រី Maia Sandu ថា «ប្រទេសម៉ុលដាវី ដែលដែនអាកាសរបស់ប្រទេសនេះ ត្រូវបានរំលោភបំពានជាប្រចាំដោយយានដ្រូន និងមីស៊ីលរបស់រុស្ស៊ី ក៏ត្រូវប្រឈមនឹងការប៉ុនប៉ងរបស់រុស្ស៊ីកាន់តែខ្លាំង ដែលពុំត្រូវបានរារាំង ចំពោះអស្ថិរភាព ដោយដាក់គោលដៅលើស្ថាប័នលទ្ធិប្រជាធិបតេយ្យរបស់ប្រទេសអ្នក ជាពិសេស» ។

លោកស្រី Sandu បាននិយាយថា ប្រទេសម៉ុលដាវី បានដឹង ពីការមិនអើពើរបស់រុស្ស៊ីចំពោះកិច្ចព្រមព្រៀងពាណិជ្ជកម្ម និងការជ្រៀតជ្រែកក្នុងការបោះឆ្នោតរបស់ប្រទេសម៉ុលដាវី។ លោកស្រី Sandu បាននិយាយថា «យុទ្ធសាស្ត្ររបស់ទីក្រុងមូស្គូគឺច្បាស់លាស់ ដើម្បីកេងប្រវ័ញ្ញយកភាពងាយរងគ្រោះរបស់ប្រទេសម៉ុលដាវី បង្វែរលទ្ធិប្រជាធិបតេយ្យរបស់យើង និងបង្វែរទឹកដីរបស់យើងទៅជាសកម្មភាព សម្រាប់ការឈ្លានពានបន្ថែមទៀត»។

លោក Macron បានបញ្ជាក់ជាថ្មីការគាំទ្រចំពោះជំហានរបស់ប្រទេសម៉ុលដាវី ដើម្បីចូលរួមជាមួយសហភាពអឺរ៉ុប ហើយបានកោតសរសើរចំពោះវិធានការកំណែទម្រង់របស់ប្រទេស និងកំណើនសេដ្ឋកិច្ច។