ក្រុមហ៊ុនដឹកជញ្ជូនទំនិញនិងក្រុមហ៊ុននាំចេញរបស់ប្រទេសរ្វ៉ាន់ដា និយាយថា ពួកគេកំពុងរងផលប៉ះពាល់យ៉ាងខ្លាំង ដោយសារជម្លោះ នៅក្នុងតំបន់ភាគខាងកើតនៃសាធារណរដ្ឋប្រជាធិបតេយ្យកុងហ្គោដែលនៅជិតខាង ដោយត្រូវដោះស្រាយជាមួយនឹងអ្នកស្រុកដែលខឹងសម្បា និងអតិថិជនដែលភ័យខ្លាច។

លោក Olivier Munyemana ដែលជាអ្នកបើកបររថយន្តដឹកទំនិញរ្វ៉ាន់ដា ស្គាល់ផ្លូវពីកំពង់ផែ Dar Es Salaam នៃមហាសមុទ្រឥណ្ឌាទៅកាន់ប្រទេសកុងហ្គោ យ៉ាងច្បាស់ ដោយបានបើកបរដឹកទំនិញ អស់   រយៈពេល ៨ ឆ្នាំហើយ។

ប៉ុន្តែនៅពេលដែលការប្រយុទ្ធគ្នា បានកើនឡើង នៅក្នុងប្រទេសកុងហ្គៅ ក្នុងរយៈពេលប៉ុន្មានខែថ្មីៗនេះ ជាមួយនឹងក្រុមប្រដាប់អាវុធ M23 ដែលគាំទ្រដោយប្រទេសរ្វ៉ាន់ដា បានដណ្តើមយកតំបន់ដ៏ធំនៃភាគខាងកើត រួមទាំងទីក្រុងព្រំដែន Goma និង Bukavu លោកមានការភ័យខ្លាចពេកមិនហ៊ានឆ្លងកាត់។

លោកនិយាយថា អ្នកបើកបរប្រឈមនឹងការវាយប្រហារពីអ្នកស្រុកដែលខឹងសម្បាចំពោះការពាក់ព័ន្ធ របស់ប្រទេសរ្វ៉ាន់ដា នៅក្នុងជម្លោះនេះ។

លោកបានបន្តថា៖«ខ្ញុំមិនអាចប្រថុយជីវិតរបស់ខ្ញុំ ឬបាត់បង់រថយន្តដឹកទំនិញរបស់ខ្ញុំទេ»។

យើងមានករណីរថយន្តដឹកទំនិញជាច្រើនគ្រឿង ត្រូវបានដុតបំផ្លាញ ហើយអ្នកបើកបរ ត្រូវបានគេវាយ  ប្រហារ។

ប្រទេសវ៉ាន់ដានិយាយថា ការកាន់កាប់របស់ក្រុមឧទ្ទាម M23 នៅភាគខាងកើតកុងហ្គោ គឺចាំបាច់ដើម្បី   កម្ចាត់កងជីវពលរវ៉ាន់ដា ដែលបង្កើតឡើងដំបូងដោយអ្នកដែលប្រព្រឹត្តអំពើប្រល័យពូជសាសន៍ឆ្នាំ ១៩៩៤ ហើយគំរាមកំហែងវាយប្រហារព្រំដែនរបស់ខ្លួន។

ប្រទេសកុងហ្គោ អះអាងថា រ៉្វាន់ដា ស្វែងរកការផ្លាស់ប្តូររបប និងគ្រប់គ្រងធនធានរ៉ែដ៏ច្រើន នៅភាគខាងកើតកុងហ្គោ។