​

វិមានក្រឹមឡាំង នៅថ្ងៃអង្គារ (ទី១១ ខែមីនា) នេះ បានលើកឡើងថា ប្រទេសរុស្ស៊ីចង់ឃើញប្រទេសស៊ីរីដែលរួបរួមគ្នា និងពោរពេញទៅភាពរីករាយ ព្រោះអស្ថិរភាពនៅទីនោះ អាចប៉ះពាល់ដល់តំបន់មជ្ឈិមបូព៌ាទាំងមូល។

គួរបញ្ជាក់ថា ការប៉ះទង្គិចគ្នា រវាងអ្នកគាំទ្រអតីតប្រធានាធិបតី លោក Bashar al-Assad និងមេដឹកនាំឥស្លាមនិយមថ្មីរបស់ប្រទេសនេះ បានសម្លាប់មនុស្សជាង ១.០០០នាក់ ដែលភាគច្រើនជាជនស៊ីវិល។ ទីក្រុងមូស្គូ គឺជាអ្នកគាំទ្រដ៏សំខាន់របស់លោក Assad ដែលបានភៀសខ្លួនទៅកាន់ប្រទេសរុស្ស៊ី កាលពីខែធ្នូឆ្នាំមុន បន្ទាប់ពីរូបលោកត្រូវបានទម្លាក់ចេញពីអំណាច។

រុស្ស៊ីមានមូលដ្ឋានទ័ពយុទ្ធសាស្ត្រសំខាន់ចំនួន ២ នៅស៊ីរី ដែលខ្លួនសង្ឃឹមថា នឹងអាចបន្តរក្សាទុក នៅទីនោះ ក្រោយការដួលរលំរបបរបស់លោក Assad។

អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកសារព័ត៌មានថា៖ «នេះគឺជាតំបន់ងាយប្រែប្រួលខ្លាំងណាស់ ហើយពិតណាស់ អស្ថិរភាព ឬការបែកបាក់នៅក្នុងប្រទេសមួយ របស់តំបន់ អាចមានផលអាក្រក់ សម្រាប់តំបន់ទាំងមូល។ យើងចង់ឃើញប្រទេសស៊ីរីមួយ ដែលមានការរួបរួម រីកចម្រើន អភិវឌ្ឍន៍ អាចប៉ានស្មានបាន និងពេញទៅដោយក្ដីរីករាយ»។ 

លោកបានបន្ថែមថា រុស្ស៊ីកំពុងទាក់ទងជាមួយប្រទេសផ្សេងទៀត ពាក់ព័ន្ធនឹងស្ថានភាព នៅស៊ីរី៕