លោកប្រធានាធិបតីអាមេរិក Donald Trump បាននិយាយកាលពីថ្ងៃអង្គារទី១១មីនាសប្ដាហ៍នេះថា លោកទំនងជានឹងនិយាយទៅកាន់លោកប្រធានាធិបតី Vladimir Putin ក្នុងសប្តាហ៍នេះ បន្ទាប់ពីអ៊ុយក្រែនបានយល់ព្រមលើសំណើរបស់អាមេរិកសម្រាប់បទឈប់បាញ់ និងពិភាក្សាជាមួយរុស្ស៊ីដើម្បីបញ្ចប់ការប្រយុទ្ធគ្នាជាង៣ឆ្នាំមកនេះ។

លោក Trump ក៏បានចង្អុលបង្ហាញផងដែរថា លោកប្រធានាធិបតីអ៊ុយក្រែន Volodymyr Zelensky នឹងត្រូវបានអញ្ជើញឱ្យត្រឡប់ទៅទស្សនកិច្ចទីក្រុងវ៉ាស៊ីនតោនជាថ្មី ទោះមេដឹកនាំទាំងពីរប៉ះទង្គិចពាក្យសម្ដីគ្នាយ៉ាងខ្លាំងជាសាធារណៈកាលពីថ្ងៃទី២៨ ខែកុម្ភៈក៏ដោយ។  

មេដឹកនាំមកពីគណបក្សសាធារណរដ្ឋរូបនេះបាននិយាយថា លោកគិតលោកអាចនឹងជួប នៅពេលអ្នកសារព័ត៌មានសួរថាតើលោកនឹងនិយាយជាមួយលោក Putin ក្នុងសប្តាហ៍នេះដែរឬទេ ។ជាមួយគ្នានោះលោកបានឆ្លើយថាលោក Zelensky នឹងត្រូវស្វាគមន៍ដំណើរត្រឡប់ទៅសេតវិមានម្ដងទៀត។

នៅពេលសួរដោយអ្នកសារព័ត៌មានអំពីទស្សនវិស័យនៃបទឈប់បាញ់ទាំងស្រុងនៅអ៊ុយក្រែន លោក Trump បានឆ្លើយថា មែនហើយ លោកសង្ឃឹមថានឹងមានរយៈពេលប៉ុន្មានថ្ងៃខាងមុខនេះ។ រូបលោកផ្ទាល់ក៏ចង់ឃើញដែរ ។

លោកបានបន្ថែមថា លោកដឹងថាយើងមានកិច្ចប្រជុំដ៏ធំមួយជាមួយរុស្ស៊ីនៅថ្ងៃស្អែក ហើយការសន្ទនាដ៏រលូនមួយចំនួនសង្ឃឹមថានឹងកើតឡើង៕