លោក Leonid Slutsky ប្រធានគណៈកម្មាធិការកិច្ចការអន្តរជាតិនៃសភារុស្ស៊ី និងជាមេដឹកនាំគណបក្ស LDPR បានប្រាប់សារព័ត៌មានTASSថា សហគមន៍អន្តរជាតិ ត្រូវតែផ្តោតការយកចិត្តទុកដាក់ទៅលើស្ថានភាពភេរវកម្មនៃរបបក្រុងគីវ នៅក្នុងទីក្រុងគីវ ពីព្រោះលោក វ្ល៉ូឌីមី ហ្សេឡិនស្គី ( Vladimir Zelensky) កំពុងស្ថិតក្នុងដំណាក់កាលដ៏ឈឺចាប់ និងត្រៀមខ្លួនរួចជាស្រេចសម្រាប់ភេរវកម្មនុយក្លេ   អ៊ែរ។  

លោកបាននិយាយថា៖«យានដ្រូនជាច្រើនគ្រឿង មិនត្រឹមតែទៅកាន់ទីក្រុងមូស្គូ និងតំបន់មូស្គូប៉ុណ្ណោះទេ ប៉ុន្តែថែមទាំងហោះឆ្ពោះទៅរករោងចក្រថាមពលនុយក្លេអ៊ែរ Kurchatov ផងដែរ។ ខ្ញុំបាននិយាយច្រើនជាងម្តងហើយថា លោក ហ្សេឡិនស្គី កំពុងស្ថិតក្នុងដំណាក់កាលដ៏ឈឺចាប់បំផុត ហើយត្រៀមខ្លួនរួចជាស្រេចសម្រាប់ភេរវកម្មនុយក្លេអ៊ែរ និងការបំភិតបំភ័យ។ ដូច្នេះសហគមន៍អន្តរជាតិ ត្រូវតែតាមដានឲ្យបានដិតដល់ ចំពោះប្រភេទភេរវកម្មនៃរបបនៅទីក្រុងគីវ»។

លោក Slutsky ក៏បានលើកឡើងដែរថា តំណាងនៃក្រុមចម្រុះគាំទ្រអ៊ុយក្រែនដឹកនាំដោយប្រទេសបារាំង និងចក្រភពអង់គ្លេស ដែលកំពុងប្រមូលផ្តុំគ្នា នៅទីក្រុងប៉ារីស ក៏គួរតែយល់ថា អ្នកណាដែលពួកគេមានបំណងបន្តការការពារនោះ។