អ្នកបើកបររថយន្តអេហ្ស៊ីបដែលដឹកជំនួយសម្រាប់តំបន់ហ្កាហ្សា

បានចំណាយពេលថ្ងៃពិធីបុណ្យ Ramadan នៅទីក្រុង Arish ខណៈពេលដែលពួកគេជាប់ខ្លួន

និងរង់ចាំតាមផ្លូវនៅទីក្រុង Arish ស្ថិតក្នុងឧបទ្វីប North

Sinai ប្រទេសអេហ្ស៊ីប ក្រោយអ៊ីស្រាអែល

បិទផ្លូវមិនឲ្យជំនួយឆ្លងកាត់ព្រំដែន ។

មុនអាហារពេលល្ងាច(Iftar)ពួកគេបានបើកគម្របចំហៀងរថយន្តរបស់ពួកគេ

ធ្វើជាតុ ដើម្បីចម្អិនអាហារ និងបរិភោគអាហាររបស់ពួកគេ ។

ពួកគេប្រាថ្នាចង់ចំណាយពេលខែតមអាហារមូស្លីមជាមួយក្រុមគ្រួសាររបស់ពួកគេ ប៉ុន្តែពួកគេនិយាយផងដែរថា

បំណងប្រាថ្នាមួយគត់របស់ពួកគេនៅពេលនេះ

គឺនាំស្បៀងអាហារដែលពួកគេមាននៅក្នុងរថយន្តទៅកាន់តំបន់ហ្កាហ្សា

ដើម្បីឲ្យជនប៉ាឡេស្ទីន អាចមាននូវអាហារ Iftar របស់ពួកគេផងដែរ។

លោក Hamdy Ahmed

គឺជាអ្នកបើកបរថយន្តអេហ្ស៊ីបមួយរូប និយាយថា ស្ថានភាពនៅទីនេះ គឺពិបាក ។

អ្វីៗមានគ្រប់បែបយ៉ាង

ប៉ុន្តែវាពិបាកណាស់ក្នុងការទទួលទាហាននៅឆ្ងាយពីគ្រួសាររបស់អ្នក ។ ប៉ុន្តែអរគុណព្រះ។ 

លោកបន្តថា ពួកយើងសង្ឃឹមថា

នឹងអាចចែកចាយរបស់ទាំងអស់នេះដល់បងប្អូនរបស់ពួកយើងនៅទីនោះ នៅតំបន់ហ្កាហ្សា

ពីព្រោះថាវាគឺជាសិទ្ធិរបស់ពួកគេក្នុងការទទួលបានរបស់ទាំងអស់នេះ ។ នៅទីនេះ

ពួកយើងអាចទទួលទាន អាចផឹកទឹក ហើយអ្វីៗល្អ ប៉ុន្តែនៅតំបន់ហ្កាហ្សា ពលរដ្ឋមិនអាចស្វែងរកបានចំណីអាហារ

ឬទឹកបាននោះទេ ។

គួរឲ្យដឹងថា ដំណាក់កាលដំបូងនៃបទឈប់បាញ់ដ៏ផុយស្រួយនៅតំបន់ហ្កាហ្សា

បានបញ្ចប់កាលពីថ្ងៃទី ១ ខែមីនាកន្លងទៅ ។ ចាប់តាំងពីពេលនោះមក អ៊ីស្រាអែល បានបិទច្រកទាំងស្រុងលើការចូលទំនិញទាំងអស់ទៅក្នុងដែនដីមួយនេះ

ដោយពួកគេទាមទារឲ្យក្រុមហាម៉ាស់ ដោះលែងចំណាប់ថ្នូរសេសសល់ ដោយពុំចាប់ផ្តើមកិច្ចចរចាបញ្ចប់សង្រ្គាមហ្កាហ្សា៕