ទាហានជ្រើសរើសថ្មីវ័យក្មេង ត្រូវបានគេមើលឃើញកំពុងចូលរួមក្នុងពិធីស្បថ នៅក្នុងវីដេអូមួយដែលត្រូវបានចេញផ្សាយដោយកងពលតូចវាយលុករបស់ប្រទេសអ៊ុយក្រែន។

ក្រសួងការពារជាតិប្រទេសអ៊ុយក្រែន បានចាប់ផ្តើមដំណើរការជ្រើសរើសយុវជនវ័យក្មេង នៅក្នុងខែកុម្ភៈ ដោយលើកទឹកចិត្តដល់អ្នកមានអាយុពី១៨ ដល់២៤ឆ្នាំ ឱ្យចូលបម្រើក្នុងជួរកងទ័ពរយៈពេលមួយឆ្នាំដោយទទួលបានប្រាក់ប្រហែល២៤.០០០ដុល្លារ និងប្រាក់លើកទឹកចិត្តយ៉ាងច្រើនទៀត។

ស្ថិតនៅក្រោមសម្ពាធដើម្បីនាំយកទាហានបន្ថែមទៀតចូលក្នុងជួរកងទ័ព សភារបស់ប្រទេសអ៊ុយក្រែនកាលពីឆ្នាំមុន បានអនុម័តច្បាប់ថ្មីស្តីពីការកែណ្ឌកងទ័ពដោយកាត់បន្ថយអាយុកែណ្ឌកងទ័ពពី២៧ឆ្នាំ មកត្រឹម២៥ឆ្នាំវិញ និងដាក់ការពិន័យសម្រាប់នរណាម្នាក់ដែលគេចវ៉េសការកែណ្ឌកងទ័ព។

បន្ថែមលើប្រាក់ដែលបានសន្យាចំនួន២៤.០០០ដុល្លារ ប្រាក់លើកទឹកចិត្តដ៏ច្រើនត្រូវបានផ្តល់ឲ្យ បូករួមទាំងការឧបត្ថម្ភធនលើប្រាក់កម្ចី និងការជួល។