កងទ័ព និងអ្នកស្ម័គ្រចិត្ត បានជម្លៀសអ្នកស្រុកចំនួន ៦៨នាក់ ចេញពីទីប្រជុំជន Sudzha ក្នុងតំបន់   ឃើស (Kursk) ដោយជោគជ័យ។ លោក Alexander Khinshtein អភិបាលស្តីទីនៃតំបន់នេះ បាននិយាយថា យោងតាមរបាយការណ៍បឋម គ្មានអ្នកជម្លៀសណាមួយ តម្រូវការសម្រាកព្យាបាលនៅមន្ទីរពេទ្យ ជាបន្ទាន់នោះទេ។

លោកបានប្រកាសនៅលើបណ្តាញTelegram របស់ខ្លួនថា៖« មនុស្សសរុបចំនួន ៦៨នាក់ ត្រូវបានជម្លៀសចេញពីទីប្រជុំជន Sudzha ដោយកងទ័ពនិងក្រុមអ្នកស្ម័គ្រចិត្ត»។

លោក Khinshtein បានបញ្ជាក់ បន្ថែមទៀតថា អ្នកជម្លៀសចំនួន ៥២នាក់ ត្រូវបានបញ្ជូនទៅមជ្ឈមណ្ឌលស្នាក់នៅបណ្តោះអាសន្ន ក្នុងតំបន់ឃើស ហើយ ១៦នាក់ផ្សេងទៀត កំពុងស្នាក់នៅជាមួយសាច់ញាតិ។ អ្នកជម្លៀសទាំងអស់ បានឆ្លងកាត់ការពិនិត្យសុខភាព។ លោកបានសង្កត់ធ្ងន់ថា៖«ព័ត៌មានបឋមបង្ហាញថា គ្មាននរណាម្នាក់ ត្រូវការព្យាបាលបន្ទាន់ នៅមន្ទីរពេទ្យទេ»។

អ្នកដែលផ្លាស់ប្តូរទីលំនៅទៅមណ្ឌលស្នាក់នៅបណ្តោះអាសន្ន នឹងទទួលបានការវាយតម្លៃបន្ថែមពីគ្រូពេទ្យ នៅមន្ទីរពេទ្យស្រុក។ លោក Khinshtein បានបន្ថែមថា ក្រសួងស្ថានភាពគ្រាអាសន្ន ក្រសួងសុខា  ភិបាលនៃតំបន់នេះ គណៈកម្មាធិការសន្តិសុខក្នុងតំបន់ និងមន្ត្រីនគរបាល កំពុងធ្វើការយ៉ាងសកម្ម នៅក្នុងតំបន់នេះ ដើម្បីដោះស្រាយតម្រូវការរបស់អ្នកជម្លៀសទាំងអស់។