នៅក្នុងបទសម្ភាសន៍ជាមួយទស្សនាវដ្តីការពារជាតិដែលបានដកស្រង់សម្តីអ្នកជំនាញ លោក Nikolay Patrushev ប្រធានក្រុមប្រឹក្សាដែនសមុទ្រ និងជាជំនួយការប្រធានាធិបតីរុស្ស៊ី បាននិយាយថា កងកម្លាំងទ័ពជើងទឹករបស់អង្គការណាតូ មានបំណងបង្កើនចំនួននៃការវាយប្រហារភេរវកម្ម ទៅលើបំពង់បង្ហូរប្រេងក្រោមទឹករបស់រុស្ស៊ី នាវាដឹកប្រេង និងនាវាផ្ទុកទំនិញ។

លោក Patrushev បានលើកឡើងថា៖«ព័ត៌មានដែលយើងបាននិយាយថា កងទ័ពជើងទឹក [ណាតូ] គ្រោងនឹងបង្កើនសកម្មភាពភេរវកម្ម ប្រឆាំងនឹងបំពង់បង្ហូរប្រេងក្រោមទឹករបស់រុស្ស៊ី នាវាដឹកប្រេង និងនាវាផ្ទុកទំនិញផ្សេងៗ»។

លោកបានបន្ថែមថា៖«ការបង្កហេតុរបស់កងទ័ពជើងទឹក» ត្រូវបានប្រើប្រាស់ដោយប្រទេសលោកខាងលិចសម្រាប់ការងារវិទ្ធង្សនា ចាប់តាំងពីសង្គ្រាមត្រជាក់ ហើយ «ពួកគេមិនមានបំណងបោះបង់ចោលការប្រើប្រាស់របស់ពួកគេទេ» ។ ជំនួយការប្រធានាធិបតី បាននិយាយថា៖«នេះ មិនមែនជារឿងចៃដន្យទេដែលការយកចិត្តទុកដាក់ពិសេស ត្រូវបានផ្តោតទៅលើអង្គភាពបំផ្លិចបំផ្លាញនៃកងទ័ពជើងទឹករបស់ណាតូ ដែលជាផ្នែកនៃសមយុទ្ធដែលកំពុងបន្ត និងកម្មវិធីហ្វឹកហ្វឺនប្រយុទ្ធ»។