ការស៊ើបអង្កេតរបស់អង្គការសហប្រជាជាតិ បានសន្និដ្ឋាន នៅថ្ងៃព្រហស្បតិ៍នេះថា អ៊ីស្រាអែលបានប្រព្រឹត្តអំពើ «ប្រល័យពូជសាសន៍” នៅក្នុងតំបន់ហ្កាហ្សា តាមរយៈការបំផ្លាញជាប្រព័ន្ធនូវកន្លែងថែទាំសុខភាពផ្លូវភេទ និងបន្តពូជ។

គណៈកម្មការស៊ើបអង្កេតរបស់អង្គការសហប្រជាជាតិ បាននិយាយថា អ៊ីស្រាអែលបាន «វាយប្រហារដោយចេតនា និងបំផ្លាញ» មជ្ឈមណ្ឌលថែទាំសុខភាពបន្តពូជដ៏សំខាន់របស់ទឹកដីប៉ាឡេស្ទីន ហើយក្នុងពេលដំណាលគ្នា បានដាក់ការឡោមព័ទ្ធ និងរារាំងជំនួយរួមទាំងថ្នាំសម្រាប់ធានាសុវត្ថិភាពនៃការមានផ្ទៃពោះ ការសម្រាលកូន និងការថែទាំទារកទើបនឹងកើត។

បេសកកម្មរបស់ខ្លួន នៅទីក្រុងហ្សឺណែវ បាននិយាយនៅក្នុងសេចក្តីថ្លែងការណ៍មួយថា៖«អ៊ីស្រាអែលច្រានចោលទាំងស្រុងនូវការចោទប្រកាន់ដែលគ្មានមូលដ្ឋាន» ។

គណៈកម្មានេះ បាននិយាយនៅក្នុងសេចក្តីថ្លែងការណ៍មួយថា ខ្លួនបានរកឃើញថា អាជ្ញាធរអ៊ីស្រាអែល «បានបំផ្លាញផ្នែកខ្លះនៃសមត្ថភាពបន្តពូជរបស់ជនជាតិប៉ាឡេស្ទីន នៅក្នុងតំបន់ហ្កាហ្សាជាក្រុមមួយ តាម   រយៈការបំផ្លាញជាប្រព័ន្ធនៃការថែទាំសុខភាពផ្លូវភេទ និងសុខភាពបន្តពូជ»។