កាលពីថ្ងៃពុធម្សិលមិញ អង្គការ NASA និងក្រុមហ៊ុន SpaceX បានពន្យាពេលការបាញ់បង្ហោះយានចម្លងទៅកាន់ស្ថានីយ៍អវកាសអន្តរជាតិ(ISS) និងដើម្បីជំនួសអវកាសយានិកក្នុងចំណោមអវកាសយានិក ៤នាក់ ដែលនឹងត្រូវវិលត្រឡប់មកផ្ទះវិញ គឺអវកាសយានិកសហរដ្ឋអាមេរិក Butch Wilmore និង Suni Williams ។

អង្គការ NASA គ្រោងនឹងបាញ់បង្ហោះយានចម្លងរបស់ក្រុមហ៊ុន SpaceX ចេញពីរដ្ឋ Florida សហរដ្ឋអាមេរិក ដឹកអវកាសយានជំនួសម្នាក់សម្រាប់ស្ថានីយ៍អវកាសអន្តរជាតិ ISS នៅក្នុងបេសកកម្មមួយដែលនឹងចាប់ផ្តើមការវិលត្រឡប់មកកាន់ផែនដីវិញរបស់លោក Wilmore និងលោក Williams ដែលបានជាប់ខ្លួនលើទីអវកាសអស់រយៈពេល ៩ខែ ក្រោយធ្វើដំណើរតាមយានចម្លងមិនគ្រប់លក្ខណៈ Starliner របស់ក្រុមហ៊ុន Boeing។

NASA និយាយនៅក្នុងសេចក្តីថ្លែងការណ៍ថា ការបាញ់បង្ហោះយានចម្លង ត្រូវបានផ្អាក ដោយសារបញ្ហាប្រព័ន្ធអ៊ីដ្រូលិកជាមួយនឹងដៃគៀបទ្រដី សម្រាប់យានចម្លង Falcon 9 ។

ពួកគេបាននិយាយនៅក្នុងសេចក្តីថ្លែងការណ៍មួយទៀតថា ក្រុមបាញ់បង្ហោះយានចម្លង កំពុងធ្វើការ ដើម្បីលើកឡើងពីបញ្ហានេះ ។

NASA និយាយថា បច្ចុប្បន្នពួកគេកំណត់គោលដៅបាញ់បង្ហោះមិនលឿនជាងវេលាម៉ោង ៧ និង ០៣នាទីនោះទេ ម៉ោងក្នុងស្រុកថ្ងៃសុក្រ ក្រោយក្រុមអ្នកគ្រប់គ្រងបេសកកម្ម ផ្អាកការប៉ុនប៉ងបាញ់បង្ហោះនៅថ្ងៃព្រហស្បតិ៍ ដោយសារខ្យល់បក់ខ្លាំង និងការព្យាករណ៍ពីភ្លៀងធ្លាក់នៅតាមផ្លូវហោះហើររបស់យានចម្លង ៕