ប្រធានាធិបតីអ៊ុយក្រែន លោក Volodymyr Zelenskyy កាលពីថ្ងៃព្រហស្បតិ៍ បានរិះគន់ខ្លាំងៗការឆ្លើយតបមិនច្បាស់លាស់របស់ប្រធានាធិបតីរុស្ស៊ី លោក Vladimir Putin ចំពោះបទឈប់បាញ់ ដែលត្រូវបានបានស្នើឡើង ថា «បង្កប់ឧបាយកល»។

លោក Zelenskiy បាននិយាយនៅក្នុងសុន្ទរកថា របស់លោក ថា «បច្ចុប្បន្ននេះ យើងទាំងអស់គ្នាបានស្តាប់លឺសម្តីដែលអាចទាយទុកជាមុនបាន និងជាឧបាយកលបំផុតរបស់លោកPutin ក្នុងការឆ្លើយតបទៅនឹងគំនិតនៃបទឈប់បាញ់»។

លោកPutin បាននិយាយនៅក្នុងការអត្ថាធិប្បាយជាសាធារណៈលើកដំបូងរបស់លោក ស្តីពីបទឈប់បាញ់រយៈពេល៣០ថ្ងៃ ដែលត្រូវបានស្នើឡើងដោយសហរដ្ឋអាមេរិក និងគាំទ្រដោយអ៊ុយក្រែនថា លោកក៏គាំទ្រ ប៉ុន្តែមាន «បញ្ហាតានតឹង» ថាតើវាត្រូវដំណើរការដោយរបៀបណា។

ទីក្រុងវ៉ាស៊ីនតោន បានអំពាវនាវឱ្យរុស្ស៊ីទទួលយកបទឈប់បាញ់ដោយគ្មានលក្ខខណ្ឌជាមុន ប៉ុន្តែលោកPutin បានរ៉ាយរ៉ាប់ពីឧបសគ្គមួយចំនួននៅក្នុងវិធីនោះ។ លោក Zelenskiy និយាយថា «យើងមិនដាក់លក្ខខណ្ឌ ដែលធ្វើឱ្យស្មុគស្មាញនោះទេ។ លោកនិយាយថា លោក Putin កំពុងរៀបចំគំនិតនៃបទឈប់បាញ់ដោយមានលក្ខខណ្ឌជាមុន ដែលគ្មានអ្វីនឹងត្រូវដំណើរការបានទាំងអស់ ឬអូសបន្លាយពេលយូរតាមដែលអាចធ្វើទៅបាន។

នៅក្នុងការអត្ថាធិប្បាយ កាលពីថ្ងៃព្រហស្បតិ៍ លោក Putin បានលើកឡើងពីការព្រួយបារម្ភថា អ៊ុយក្រែននឹងប្រើប្រាស់បទឈប់បាញ់ដើម្បីផលប្រយោជន៍យោធារបស់ខ្លួន និងបាននិយាយថា រុស្ស៊ីចង់ដាក់សម្ពាធ ខណៈកងកម្លាំងរបស់ខ្លួនបានរុលចូលទៅមុខ។