អ្នកនាំពាក្យក្រសួងការបរទេសរុស្ស៊ីអ្នកស្រី Maria Zakharova បាននិយាយថា ផែនការបង្កើនយោធាសម្រាប់អឺរ៉ុប ដែលត្រូវបានអនុម័តដោយកិច្ចប្រជុំកំពូលរបស់សហភាពអឺរ៉ុប ត្រូវបានរៀបចំឡើង ដើម្បីបង្ក សង្រ្គាម។

អ្នកស្រីបាននិយាយថា៖«គ្រឿងសព្វាវុធនៃបណ្តាប្រទេសដែលបាត់បង់សមត្ថភាពប្រតិបត្តិការប្រកប ដោយប្រសិទ្ធភាព កំពុងរីកចម្រើនយ៉ាងឆាប់រហ័ស និងយ៉ាងច្រើនសន្ធឹកសន្ធាប់។ តាមប្រវត្តិសាស្ត្រ នេះតែងតែត្រូវបានគេនិយាយសំដៅថា ជាការបង្កសង្គ្រាម»។

អ្នកស្រី Zakharova បាននិយាយថា ផែនការនេះ មានន័យថា «ញុះញង់ឲ្យមានសង្រ្គាម» នៅលើទ្វីប     អឺរ៉ុប។

កាលពីថ្ងៃទី ០៤ ខែមីនា ប្រធានគណៈកម្មការអឺរ៉ុប (EC) អ្នកស្រី Ursula von der Leyen បានបញ្ជាក់ថា លោកស្រី បានបង្ហាញជូនថ្នាក់ដឹកនាំសហភាពអឺរ៉ុបនូវសំណើ ដើម្បីស្តារសហភាពអឺរ៉ុបឡើងវិញ ជាមួយនឹងថវិកាចំនួន ៨០០ ពាន់លានអឺរ៉ូ។ ផែនការរបស់គណៈកម្មការអឺរ៉ុប តម្រូវឲ្យខ្ចីរហូតដល់ ១៥០ ពាន់លានអឺរ៉ូ ពីទីផ្សារមូលធនដោយ EC សម្រាប់ការផ្តល់ប្រាក់កម្ចីបន្ថែមទៀតដល់បណ្តារដ្ឋ EU ក្រោមលក្ខខណ្ឌ ដែលពួកគេរួមគ្នាទិញអាវុធ នៅក្នុងទ្វីបអឺរ៉ុប។

មូលនិធិនេះ នឹងត្រូវប្រើប្រាស់សម្រាប់ការផលិតប្រព័ន្ធការពារដែនអាកាស នៅសហភាពអឺរ៉ុប និងសព្វាវុធសម្រាប់អ៊ុយក្រែន។ លើសពីនេះទៀត គណៈកម្មការអឺរ៉ុប បានស្នើឲ្យប្រទេសនានា បង្កើនការចំណាយលើវិស័យការពារជាតិបច្ចុប្បន្នរបស់ខ្លួនចំនួន១,៥ % ដើម្បីរៃអង្គាសប្រាក់ចំនួន ៦៥០ ពាន់លានអឺរ៉ូ សម្រាប់ការផលិតសព្វាវុធ។

កាលពីថ្ងៃទី ០៧ ខែមីនា កិច្ចប្រជុំកំពូលរបស់សហភាពអឺរ៉ុប បានអនុម័តផែនការយោធា ដែលមានគោលបំណងផ្តល់ឲ្យសហភាពអឺរ៉ុបនូវការការពារគ្រប់ជ្រុងជ្រោយដោយឯករាជ្យ។ ប្រភពនៃហិរញ្ញប្បទាន មិនទាន់ត្រូវបានបញ្ចប់ នៅឡើយទេ។