លោកសាស្រ្តាចារ្យ Birindwa ដែលជាប្រធានមន្ទីរពេទ្យសាកលវិទ្យាល័យក្រុង Bukavu ស្ថិតនៅខ្សែត្រៀមមុខព្យាបាលករណីជំងឺអុតស្វា ដែលជាផ្នែកមួយនៃការឆ្លើយតបចំពោះការរីករាលដាលឆ្លងកំពុងកើតឡើងនៅតំបន់ភាគខាងកើតកុងហ្គោ ជាទីដែលអស្ថិរភាពរ៉ាំរ៉ៃក្នុងតំបន់ បានធ្វើឲ្យកិច្ចខិតខំសុខភាពសាធារណៈកាន់តែស្មុគស្មាញខ្លាំង ។

ស្ថានភាពសន្តិសុខងាយរងគ្រោះក្នុងតំបន់ បន្ថែមសំពាធលើប្រព័ន្ធសុខភាព ស្របពេលដែលករណីជំងឺអុតស្វានៅតែបន្តកើតមាន ។

ជម្លោះក្នុងស្រុក ធ្វើឲ្យអាក់ខានដល់ការចូលដល់ ហើយនិងប្រឈមការអនុវត្តប្រកបដោយស្ថិរភាពលើវិធានការបង្ការ ជាហេតុធ្វើឲ្យវិបត្តិមួយនេះកាន់តែជ្រៅទៅ ខណៈករណីឆ្លងកើនឡើង ។

លោក Esther Mungwakonkwa គឺជាអ្នកជំងឺអុតស្វាមួយរូប បាននិយាយរៀបរាប់ពេលមកដល់មន្ទីរពេទ្យកាលពីល្ងាចថ្ងៃពុធថា លោកទទួលបានការចាក់ថ្នាំជាច្រើន ហើយលោកកត់សំគាល់ឃើញពីការធូស្បើយច្រើន បើទោះបីជាលោកនៅរង់ចាំការព្យាបាលបន្ថែមទៀតក៏ដោយ ។

ស្របពេលដែលលោកសាស្រ្តាចារ្យ Birindwa ពន្យល់ថា ចំនួនករណីឆ្លងបានកើនឡើងពី ១៥នាក់ ដល់ ២០នាក់ ក្នុង ១សប្តាហ៍ ភាពប្រែប្រួលដែលលោកបកស្រាយ គឺជាភស្តុតាងមួយបញ្ជាក់ថា វីរុសនៅតែបន្តឆ្លងនៅក្នុងតំបន់សហគមន៍ដដែល ៕