មនុស្សយ៉ាងហោចណាស់៣៤នាក់បានស្លាប់នៅក្នុងសហរដ្ឋអាមេរិក រួមទាំង ១២ នាក់នៅក្នុងរដ្ឋ Missouri តែមួយ បន្ទាប់ពីខ្យល់ព្យុះកំបុតត្បូងដ៏គ្រោះថ្នាក់បានបោកបក់ពាសពេញបណ្ដារដ្ឋភាគអាគ្នេយ៍ដោយបណ្ដាលឲ្យមានរថយន្តក្រឡាប់ និងផ្ទះសម្បែងដួលរលំដោយសារកម្លាំងខ្យល់។

ក្នុងរដ្ឋ Kansas មនុស្សយ៉ាងតិច ៨ នាក់បានស្លាប់បន្ទាប់ពីឧបទ្ទវហេតុដោយសាររថយន្តជាង ៥៥ គ្រឿងបណ្ដាលមកពីព្យុះធូលី។

យោងតាមកម្មវិធីតាមដានថាមពលអគ្គិសនី PowerOutage បានឱ្យដឹងថា អចលនទ្រព្យជាង១៧០.០០០ខ្នង គ្មានថាមពលប្រើប្រាស់នៅទូទាំងរដ្ឋចំនួន ៥ រួមទាំងរដ្ឋ Michigan រដ្ឋMissouri និងរដ្ឋ Illinois កាលពីល្ងាចថ្ងៃសៅរ៍។

អាកាសធាតុកាន់តែធ្ងន់ធ្ងរបន្ថែមទៀតត្រូវបានរំពឹងទុកសម្រាប់តំបន់នេះ ទន្ទឹមនឹងការតាមដានព្យុះកំបុតត្បូង បានចេញនៅទូទាំងរដ្ឋ Louisiana ភាគខាងកើត ភាគខាងលិច រដ្ឋ ចចា ភាគកណ្តាលរដ្ឋ Tennessee និងភាគខាងលិចតំបន់ Florida Panhandle នៃរដ្ឋ Florida។ ក្នុងរដ្ឋFloridaមួយនេះ ក៏មានបំណាក់ដីកើតឡើងធ្ងន់ធ្ងរផងដែរ។

ការស្លាប់៦នាក់ត្រូវបានរាយការណ៍នៅក្នុងរដ្ឋ Mississippi ដោយអភិបាលរដ្ឋ ខណៈខ្យល់ព្យុះកំបុតត្បូងជាច្រើនបាន បោកបក់ពាសពេញរដ្ឋនេះ។

ការព្រមានពីទឹកជំនន់ និងទឹកជំនន់ដ៏គំហុក ក៏ត្រូវបានចេញនៅភាគកណ្តាលរដ្ឋ Mississippi ភាគខាងកើតរដ្ឋ Louisiana និងភាគខាងលិចនៃរដ្ឋ Tennessee ផងដែរ ក៏ដូចជាផ្នែកខ្លះនៃរដ្ឋ Alabama និងរដ្ឋ Arkansas ស្របពេល អាកាសធាតុធ្ងន់ធ្ងរនៅតែបន្ត នៅទូទាំងភាគអាគ្នេយ៍៕