ក្រសួងការពារជាតិរុស្ស៊ី បានចេញផ្សាយវីដេអូមួយកាលពីថ្ងៃអាទិត្យ ទី១៦ មីនា ដែលបង្ហាញ កងទ័ពកំពុងជម្លៀសជនស៊ីវិលចេញពីក្រុង Sudzha និងក្រុង Kazach'ya Loknya ក្នុងតំបន់ Kursk ភាគខាងលិចរបស់រុស្ស៊ី ដែលទើបរំដោះបានពីអ៊ុយក្រែន។

នៅក្នុងសមរភូមិវាយប្រហារខ្លាំងបំផុតមួយក្នុងសង្រ្គាមនៅអ៊ុយក្រែនរយៈពេល៣ឆ្នាំមកនេះ កងកម្លាំងអ៊ុយក្រែន បានវាយកម្ទេចផ្លូវឆ្លងកាត់ព្រំដែនភាគខាងលិចរបស់រុស្ស៊ី នៅតំបន់ Kursk កាលពីខែសីហា ឆ្នាំមុន ជាការកត់សម្គាល់នៃការវាយប្រហារធំបំផុតលើទឹកដីរុស្ស៊ីនៃអធិបតេយ្យភាព ចាប់តាំងពីការឈ្លានពានរបស់ពួកណាស៊ី នៅឆ្នាំ១៩៤១។

ប៉ុន្តែការវាយលុកលឿនដូចផ្លេកបន្ទោរក្នុងខែនេះ បានដណ្តើមយកចំណែកដែនដីដែលស្ថិតក្រោមការគ្រប់គ្រងរបស់អ៊ុយក្រែនទំហំប្រហែល១១០គីឡូម៉ែត្រក្រឡា ថយចុះពីជាង១.៣៦៨គីឡូម៉ែត្រក្រឡា ដែលអះអាងដោយទីក្រុង Kyiv កាលពីឆ្នាំមុន។

សំឡេង រៀបរាប់ក្នុងវីដេអូនិយាយថា អ្នកជម្លៀសត្រូវបានថតនៅក្នុងសាលា ហើយពួកគេជា «ក្រុមដំបូង» ដែលត្រូវបានជម្លៀសទៅទីសុវត្ថិភាព។ ទាហាននឹងត្រឡប់មកវិញដើម្បីជម្លៀសប្រជាជនបន្ថែមទៀត។

ក្រសួងការពារជាតិបាននិយាយថា កងកម្លាំងរុស្ស៊ី បានដណ្តើមការគ្រប់គ្រងមកវិញក្រុង Sudzha ជាទីក្រុងដ៏សំខាន់មួយនៅក្នុងតំបន់ Kursk ភាគខាងលិចរបស់រុស្ស៊ី។