មន្ត្រីស៊ែប៊ី បានបដិសេធកាលពីថ្ងៃអាទិត្យថា កងកម្លាំងសន្តិសុខមិនបានប្រើអាវុធដែលមានសំឡេង កម្រិតយោធា ដើម្បីបំបែក និងបំភ័យបាតុករ នៅឯការប្រមូលផ្តុំប្រឆាំងរដ្ឋាភិបាលដ៏ធំ នៅក្នុងរដ្ឋធានីបែលហ្គ្រាដ។

មន្ត្រីបក្សប្រឆាំង និងក្រុមសិទ្ធិមនុស្សស៊ែប៊ី បានអះអាងថា អាវុធដែលមានសំឡេងអាចបង្កគ្រោះថ្នាក់ ត្រូវបានហាមឃាត់យ៉ាងទូលំទូលាយ ដែលអាចបញ្ចេញពន្លឺវិទ្យុសកម្មធ្វើឲ្យមនុស្សរងរបួស ត្រូវបានប្រើប្រាស់ ក្នុងអំឡុងពេលនៃការតវ៉ាកាលពីថ្ងៃសៅរ៍។ ពួកគេនិយាយថា ពួកគេនឹងពាក្យបណ្តឹងចោទប្រកាន់ទៅកាន់តុលាការសិទ្ធិមនុស្សអឺរ៉ុប និងតុលាការក្នុងស្រុកប្រឆាំងនឹងអ្នកដែលបានបញ្ជាឲ្យមានការវាយប្រហារដោយអាវុធបែបនេះ។

ស៊ែប៊ីមិនបានបដិសេធថា ខ្លួនពុំមានអាវុធដែលមានសំឡេងអាចបង្កគ្រោះថ្នាក់បែបនេះ នៅក្នុងឃ្លាំងរបស់ខ្លួនទេ។

មនុស្សយ៉ាងតិច ១០០.000នាក់ បានមកកាន់ទីក្រុងបែលហ្គ្រាដ កាលពីថ្ងៃសៅរ៍ ដើម្បីចូលរួមការប្រមូលផ្តុំដ៏ធំមួយ ដែលត្រូវបានគេមើលឃើញថា ជាការឈានដល់ចំណុចកំពូលនៃការតវ៉ាអស់រយៈពេលជាច្រើនខែប្រឆាំងនឹងប្រធានាធិបតីប្រជាជននិយមរបស់ប្រទេសស៊ែប៊ី លោក Aleksandar Vucic និងរដ្ឋាភិបាលរបស់លោក។

ការប្រមូលផ្តុំគ្នានេះ គឺជាផ្នែកមួយនៃចលនាប្រឆាំងអំពើពុករលួយទូទាំងប្រទេស ដែលបានផ្ទុះឡើងបន្ទាប់ពីដំបូលបេតុង បានស្រុតបាក់ នៅស្ថានីយរថភ្លើងនៅភាគខាងជើងនៃប្រទេសស៊ែប៊ី ក្នុងខែវិច្ឆិកា ដោយបានបណ្តាលឲ្យមនុស្ស ១៥នាក់ស្លាប់។