រដ្ឋាភិបាលរដ្ឋ Khartoum បានប្រកាសកាលពីថ្ងៃចន្ទថា យ៉ាងហោចណាស់ជនស៊ីវិល៧នាក់ រួមទាំងកុមារ២នាក់ត្រូវបានសម្លាប់នៅក្នុងការបាញ់ផ្លោងដោយកាំភ្លើងធំ ធ្វើឡើងដោយកងកម្លាំងគាំទ្ររហ័ស(RSF) ទៅលើទីក្រុង Omdurman ភាគខាងជើងរដ្ឋធានី Khartoum ប្រទេសស៊ូដង់។

ការិយាល័យប្រព័ន្ធផ្សព្វផ្សាយរបស់រដ្ឋ បាននិយាយនៅក្នុងសេចក្តីថ្លែងការណ៍ថា «ការបាញ់ផ្លោងជាប្រព័ន្ធ» ដែលធ្វើឡើងដោយកងកម្លាំងគាំទ្ររហ័ស(RSF) បានបណ្តាលឱ្យ មានអ្នករងរបួស៤៣នាក់ផ្សេងទៀត រួមទាំងកុមារ១៨នាក់ មានអាយុចន្លោះពី ៤ឆ្នាំ ទៅ១២ ឆ្នាំ។

កងកម្លាំងប្រដាប់អាវុធស៊ូដង់ (SAF) តែងតែចោទប្រកាន់កងកម្លាំងគាំទ្ររហ័ស(RSF) ថាបានទម្លាក់គ្រាប់បែកលើមូលដ្ឋាន Karari ជាតំបន់តែមួយគត់នៅក្នុងទទីក្រុង Omdurman ដែលនៅតែមានប្រជាជនរស់នៅច្រើន ហើយក៏ជាទីតាំងនៃមូលដ្ឋានកងទ័ពស៊ូដង់ជាច្រើន រួមទាំងតំបន់យោធា Wadi Seidna ដែលមានព្រលានយន្តហោះយោធា។