អនុប្រធានាធិបតីទួរគី លោក Cevdet Yilmaz បាននិយាយកាលពីថ្ងៃចន្ទថា ចំនួនជនជាតិស៊ីរី ដែលបាន វិលត្រឡប់ពីប្រទេសទួរគី មកប្រទេសកំណើតរបស់ពួកគេដោយស្ម័គ្រចិត្ត បានកើនឡើងដល់ ១៤៥.៦៣៩ នាក់ ចាប់តាំងពីខែធ្នូឆ្នាំមុន បន្ទាប់ពីរដ្ឋាភិបាលរបស់លោក បាសា អាល់អាសាដ ( Bashar al-Assad) ត្រូវបានផ្តួលរលំ។

លោក Yilmaz បានបញ្ជាក់នៅលើវេទិកាប្រព័ន្ធផ្សព្វផ្សាយសង្គម X ថា មនុស្ស ១៤៥.៦៣៩នាក់ បាន ត្រឡប់មកវិញ នៅចន្លោះថ្ងៃទី ០៩ ខែធ្នូ ដល់ថ្ងៃទី ១៦ ខែមីនា ដែលនាំឲ្យចំនួនសរុបនៃអ្នកត្រឡប់មកវិញ ចន្លោះឆ្នាំ ២០១៧ និងឆ្នាំ ២០២៥ កើនឡើងដល់ ៨៨៥.៦៤២នាក់។

លោកបានបន្តថា តួលេខទេសន្តរប្រវេសន៍ គឺច្រើនណាស់ និងអាចមានការផ្លាស់ប្តូរ។

លោកបាននិយាយថា៖«នៅពេលដែលលក្ខខណ្ឌសន្តិសុខ សេវាមូលដ្ឋាន និងស្ថានភាពសេដ្ឋកិច្ច មានភាពប្រសើរឡើង នៅក្នុងប្រទេសស៊ីរី ដែលកំពុងដំណើរការរៀបចំឡើងវិញ តួលេខនេះ ត្រូវបានគេរំពឹងថានឹងកើនឡើងបន្ថែមទៀត»។

ទីក្រុងអង់ការ៉ា ដែលបានផ្តាច់ទំនាក់ទំនងការទូតជាមួយរបបរបស់លោក អាល់អាសាដ ក្នុងឆ្នាំ ២០១២ បានសម្តែងការគាំទ្រចំពោះការផ្លាស់ប្តូរដោយសន្តិភាព នៅក្នុងប្រទេសនេះ បន្ទាប់ពីការដួលរលំនៃអតីត រដ្ឋាភិបាល។

.បច្ចុប្បន្ន ប្រទេសទួរគី ទទួលជនភៀសខ្លួនស៊ីរីប្រមាណ ២,៨៦ លាននាក់ ដែលបានចុះឈ្មោះ។