ប្រទេសឥណ្ឌូនេស៊ី នៅថ្ងៃអង្គារនេះ បានចាប់ផ្តើមធ្វើមាតុភូមិនិវត្តន៍ជនជាតិរបស់ខ្លួនជាង ៥០០នាក់ដែលត្រូវបានដោះលែងពីមជ្ឈមណ្ឌលបោកប្រាស់តាមអ៊ីនធឺណិត ក្នុងប្រទេសមីយ៉ាន់ម៉ា ដោយនាំពួកគេត្រឡប់ទៅផ្ទះវិញពីឧប្បត្តិហេតុដែលពួកគេទទួលរងនូវអំពើហិង្សា និងការគំរាមកំហែង។

ប្រតិបត្តិការឆបោកតាមអ៊ីនធឺណិត ដែលបានរីកដុះដាលនៅក្នុងតំបន់ព្រំដែនគ្មានច្បាប់របស់ប្រទេសមីយ៉ាន់ម៉ា អស់រយៈពេលជាច្រើនឆ្នាំ បានទាក់ទាញពលករបរទេសយ៉ាងច្រើន ដោយសន្យាថា នឹងធ្វើការងារដែលមានប្រាក់ខែខ្ពស់ ប៉ុន្តែចាប់ពួកគេធ្វើជាចំណាប់ខ្មាំង ហើយបង្ខំពួកគេឲ្យឆបោកប្រាក់តាមអ៊ីន       ធឺណិត។

បុគ្គលិកប្រហែល ៧.000នាក់មកពីប្រទេសយ៉ាងតិចចំនួន ១២ ត្រូវបានដោះលែង ក្នុងរយៈពេលប៉ុន្មាន  សប្តាហ៍ថ្មីៗនេះ ដែលភាគច្រើនជាជនជាតិចិន ប៉ុន្តែមនុស្សជាច្រើន បាននិងកំពុងធ្លាក់ខ្លួន នៅក្នុងជំរំ     បណ្តោះអាសន្ននៅព្រំដែន រវាងមីយ៉ាន់ម៉ា និងថៃ។

ប្រជាជនឥណ្ឌូនេស៊ី ចំនួន ៤០០នាក់ កំពុងវិលត្រឡប់ពីប្រទេសថៃ នៅថ្ងៃអង្គារនេះ ហើយយ៉ាងហោចណាស់ ១៥៤នាក់ នឹងបន្តការវិលត្រឡប់នៅថ្ងៃពុធ។ នេះបើយោងតាមរដ្ឋមន្ត្រីសម្របសម្រួលឥណ្ឌូនេស៊ីសម្រាប់កិច្ចការនយោបាយ និងសន្តិសុខលោកលោក Budi Gunawan ។

លោកបានប្រាប់សន្និសីទសារព័ត៌មាននៅអាកាសយានដ្ឋានអន្តរជាតិក្នុងរដ្ឋធានីហ្សាការតាថា៖«រដ្ឋាភិបាលឥណ្ឌូនេស៊ី បានសហការជាមួយរដ្ឋាភិបាលថៃ និងរដ្ឋាភិបាលចិន សម្រាប់ការជួយសង្គ្រោះ និងធ្វើមាតុភូមិនិវត្តន៍ជនជាតិឥណ្ឌូនេស៊ីចំនួន ៥៥៤នាក់»។