ក្រសួងការពារជាតិអាមេរិក បានបដិសេធមិនធ្វើអត្ថាធិប្បាយអំពីលទ្ធភាពនៃប្រតិបត្តិការជើងគោកប្រឆាំងនឹងចលនា Ansar Allah ( ក្រុមហ៊ួទី) នៅក្នុងប្រទេសយេម៉ែន និងសកម្មភាពយោធាបែបសន្មតប្រឆាំងនឹងអ៊ីរ៉ង់។

នៅពេលសួរដោយអ្នកសារព័ត៌មានថា តើលទ្ធភាពនៃប្រតិបត្តិការជើងគោកប្រឆាំងក្រុមហ៊ួទទី កំពុងត្រូវបានពិភាក្សា ឬអត់ ជំនួយការរបស់រដ្ឋមន្ត្រីការពារជាតិអាមេរិក ទទួលបន្ទុកកិច្ចការសាធារណៈលោក Sean Parnell បានឆ្លើយតបថា៖«យើងនឹងមិននិយាយអ្វីចេញពីវេទិកានោះទេ រហូតដល់យើងប្រាកដ ១០០% ទើបយើងហ៊ានថា មានប្រតិបត្តិការនេះ ពិតមែន»។

បន្ទាប់មក អ្នកនាំពាក្យរូបនេះ ត្រូវបានស្នើឲ្យធ្វើអត្ថាធិប្បាយលើសកម្មភាពយោធា ដែលអាចកើតមានប្រឆាំងនឹងអ៊ីរ៉ង់ ពាក់ព័ន្ធនឹងសេចក្តីថ្លែងការណ៍មុនរបស់លោកប្រធានាធិបតីអាមេរិក ដូណាល់ ត្រាំ ដែលបាននិយាយថា ទីក្រុងតេអេរ៉ង់ អាចទទួលខុសត្រូវចំពោះសកម្មភាពរបស់ចលនា Ansar Allah 

លោក Parnell បាននិយាយថា៖«ខ្ញុំមិនចង់លើកឡើងនូវអ្វីដែលលោកប្រធានាធិបតី ឬ លោករដ្ឋមន្ត្រី    [ក្រសួងការពារជាតិ] កំពុងនិយាយនោះទេ ប៉ុន្តែជាការពិតណាស់ សេចក្តីថ្លែងការណ៍របស់លោកប្រធានាធិបតី [ស្តីពី] ការពិតក្នុងសង្គម គឺច្បាស់ណាស់ ហើយខ្ញុំគិតថា អត្ថន័យ គឺត្រឹមត្រូវសម្រាប់មនុស្សគ្រប់គ្នា។ ខ្ញុំគិតថា មនុស្សគ្រប់គ្នាយល់ពីអ្វីដែលលោកប្រធានាធិបតី ចង់មានន័យ»។