សេវាកម្មសារព័ត៌មានរបស់វិមានក្រឹមឡាំង បានឲ្យដឹងថា ក្នុងចំណោមប្រធានបទ ដែលត្រូវបានពិភាក្សាតាមទូរស័ព្ទ ដោយប្រធានាធិបតីរុស្ស៊ីលោក វ្ល៉ាឌីមៀ ពូទីន និងលោក ដូណាល់ ត្រាំ មិនត្រឹមតែពាក់ព័ន្ធនឹងជម្លោះអ៊ុយក្រែនប៉ុណ្ណោះទេ ថែមទាំងបញ្ហាអន្តរជាតិផ្សេងទៀតផងដែរ។

សេវាព័ត៌មាននេះ បានបន្ថែមទៀតថា៖«លោក វ្ល៉ាឌីមៀ ពូទីន និង លោក ដូណាល់ ត្រាំ បានដោះស្រាយបញ្ហាផ្សេងទៀត នៅក្នុងរបៀបវារៈអន្តរជាតិ រួមទាំងស្ថានការណ៍នៅមជ្ឈិមបូព៌ា និងសមុទ្រក្រហម។ កិច្ចខិតខំប្រឹងប្រែងរួមគ្នា នឹងត្រូវបានធ្វើឡើង ឆ្ពោះទៅធ្វើឲ្យស្ថានភាពនៅក្នុងតំបន់វិបត្តិ មានស្ថិរភាព  ដោយកិច្ចសហប្រតិបត្តិការ លើបញ្ហាមិនរីកសាយភាយនុយក្លេអ៊ែរ និងសន្តិសុខពិភពលោក»។

វិមានក្រឹមឡាំងបានបញ្ជាក់ថា៖«កិច្ចសហប្រតិបត្តិការនេះ នឹងជួយកែលម្អបរិយាកាសទូទៅ ក្នុងទំនាក់ទំនងរុស្ស៊ី-អាមេរិក» ដោយបានបន្ថែមថា៖«ឧទាហរណ៍វិជ្ជមានមួយ គឺការបោះឆ្នោតរួមគ្នារបស់អង្គការសហប្រជាជាតិលើសេចក្តីសម្រេចស្តីពីជម្លោះអ៊ុយក្រែន»។