អង្គការសិទ្ធិមនុស្សអន្តរជាតិឈានមុខគេ នៅថ្ងៃពុធនេះ បានជំរុញប្រទេសប៉ាគីស្ថានកុំ«បង្ខិតបង្ខំ» ជនភៀសខ្លួនអាហ្វហ្គានីស្ថាន ឲ្យត្រឡប់ទៅប្រទេសរបស់ពួកគេវិញ ដោយនិយាយថា ការធ្វើទុក្ខបុកម្នេញដែលមានហានិភ័យជាច្រើន ហើយនឹងប្រឈមនឹងលក្ខខណ្ឌសេដ្ឋកិច្ចដ៏ធ្ងន់ធ្ងរ។

ការអំពាវនាវនេះ បានកើតឡើង នៅពេលដែលរដ្ឋាភិបាលនេះ បានបញ្ជាឲ្យជនជាតិអាហ្វហ្គានីស្ថានទាំងអស់ ដែលគ្មានឯកសារស្នាក់នៅ រួមជាមួយនឹងអ្នកកាន់ប័ណ្ណសញ្ជាតិអាហ្វហ្គានីស្ថាន ឲ្យចាកចេញត្រឹមថ្ងៃផុតកំណត់ គឺថ្ងៃទី ៣១ ខែមីនា។

សេចក្តីប្រកាសរបស់ក្រសួងមហាផ្ទៃនៅដើមខែនេះ បានបង្កើតជាផ្នែកមួយនៃការជំរុញការធ្វើមាតុភូមិនិវត្តន៍ដ៏ទូលំទូលាយ ដោយផ្តោតលើជនបរទេស ដែលបានចាប់ផ្តើមនៅឆ្នាំ ២០២៣ ដោយជនជាតិអាហ្វហ្គានីស្ថានជាង ៨០០.000នាក់ ត្រូវបានបណ្តេញចេញពីប៉ាគីស្ថាន ចាប់តាំងពីពេលនោះមក។ យុទ្ធនាការប្រឆាំងនឹង «ជនអន្តោប្រវេសន៍ខុសច្បាប់» ដែលភាគច្រើនជាជនជាតិអាហ្វហ្គានីស្ថាន ត្រូវបានចាប់  ផ្តើម បន្ទាប់ពីការកើនឡើងនៃអំពើហិង្សាបង្កឡើដោយក្រុមសកម្មប្រយុទ្ធពីក្រុមប្រដាប់អាវុធ ដែលរដ្ឋាភិ  បាល បាននិយាយថា បានរកឃើញទីជម្រក នៅក្នុងប្រទេសអាហ្វហ្គានីស្ថានជិតខាង។

មន្ត្រីនៅក្នុងទីក្រុងអ៊ីស្លាម៉ាបាដ បានអះអាងថា ជនជាតិអាហ្វហ្គានីស្ថានជាច្រើននាក់ នៅក្នុងប្រទេសប៉ាគីស្ថាន បានជាប់ពាក់ព័ន្ធក្នុងការវាយប្រហារលើជនស៊ីវិល និងកងកម្លាំងសន្តិសុខ ខណៈដែលបានស្តីបន្ទោសរដ្ឋបាលបណ្តោះអាសន្នរបស់តាលីបង់ ចំពោះ «ការសម្របសម្រួល» ការវាយប្រហារឆ្លងព្រំដែន។ ទោះយ៉ាងណាក៏ដោយ អាជ្ញាធរអាហ្វហ្គានីស្ថាន នៅទីក្រុងកាប៊ុល បានបដិសេធការចោទប្រកាន់នេះ។