ពលរដ្ឋមកពីទីក្រុង Kharkiv របស់ប្រទេសអ៊ុយក្រែន និយាយកាលពីល្ងាចថ្ងៃអង្គារថា សំណើដោយរុស្ស៊ីថាអ៊ុយក្រែនគួរតែបញ្ឈប់ការកេណ្ឌទ័ពជាផ្នែកមួយនៃបទឈប់បាញ់ទ្រង់ទ្រាយធំ មានតែធ្វើឲ្យអ៊ុយក្រែនទន់ខ្សោយប៉ុណ្ណោះ ។

វិមានក្រឹមឡាំង និយាយកាលពីថ្ងៃអង្គារថា ប្រធានាធិបតីរុស្ស៊ីលោក Vladimir Putin បានយល់ព្រមនឹងសំណើរបស់ប្រធានាធិបតីសហរដ្ឋអាមេរិកលោក Donald Trump ឲ្យរុស្ស៊ី និងអ៊ុយក្រែនបញ្ឈប់ការវាយប្រហារលើសេដ្ឋារចនាសម្ព័ន្ធថាមពលគ្នាទៅវិញទៅមក សម្រាប់រយៈពេល ៣០ថ្ងៃ និងបានបញ្ជាឲ្យយោធារុស្ស៊ី បន្ធូរដៃដល់ពួកគេ ។

ទោះបីជាយ៉ាងណាក៏ដោយ កិច្ចព្រមព្រៀងនេះ ពុំឈានដល់ការឯកភាពធំទូលាយជាងនេះដែលសហរដ្ឋអាមេរិកព្យាយាមស្វែង និងត្រូវបានទទួលយកដោយអ៊ុយក្រែនរកនោះទេ សម្រាប់បទឈប់បាញ់ទាំងស្រុងរយៈពេល ៣០ថ្ងៃ ។

អ្នកស្រី Tetiana Kashyrtseva គឺជាពលរដ្ឋមួយរូបរស់នៅក្នុងទីក្រុង Kharkiv និយាយថា ពួកគេគួរតែបញ្ឈប់ការកេណ្ឌទ័ពមុន ពីព្រោះថាពួកយើងត្រូវបានបង្ខំឲ្យកេណ្ឌទ័ព ពួកយើងការពារទឹកដីរបស់ពួកយើង ។ 

អ្នកស្រីបន្តថា បើសិនជារុស្ស៊ីឯកភាពលើសន្តិភាព ពួកយើងក៏ឯកភាពដូចគ្នា ប៉ុន្តែពួកយើងមិនអាចលើកលែងឲ្យពួកគេបានឡើយ ។

ចំណែកឯលោក Volodymyr Lutគឺជាទាហានអ៊ុយក្រែនមួយរូប និយាយថា លោកពុំដឹងនោះទេថាតើបទឈប់បាញ់នេះនឹងឈានទៅរកសន្តិភាពឬយ៉ាងណា ប៉ុន្តែលោកដឹងច្បាស់ថា បើសិនជាពួកយើងបញ្ឈប់ការកេណ្ឌទ័ព និងការបំពាក់អាវុធដល់កងទ័ពអ៊ុយក្រែន វានឹងក្លាយជារឿងមិនល្អសម្រាប់កងទ័ពអ៊ុយក្រែន ៕