មនុស្សរាប់ពាន់នាក់ បាននាំគ្នាតវ៉ានៅតំបន់ភាគកណ្តាលទីក្រុងប៉ារីស ប្រទេសបារាំងកាលពីថ្ងៃអង្គារម្សិលមិញ ដោយពួកគេនាំគ្នាថ្កោលទោសការវាយប្រហារតាមច្រកអាកាសចុងក្រោយរបស់អ៊ីស្រាអែលនៅតំបន់ហ្កាហ្សា និងបានអំពាវនាវឲ្យមានបទឈប់បាញ់ជាបន្ទាន់ ។

 ការជួបជុំគ្នានៅលើទីលានចតុរង្គ Place de la Republique មានសភាពស្ងប់ស្ងាត់ទេ ដោយក្រុមបាតុករនាំគ្នាគ្រវីទង់ប៉ាឡេស្ទីន និងស្រែកពាក្យស្លោក “ពួកយើងគឺជាក្មេងៗទាំងអស់នៅតំបន់ហ្កាហ្សា” ។

ក្រុមអាជ្ញាធរសុខភាពប៉ាឡេស្ទីន និយាយថា មនុស្សជាង ៤០០នាក់ ត្រូវបានសម្លាប់នៅក្នុងការវាយប្រហារតាមច្រកអាកាសរបស់អ៊ីស្រាអែល នៅក្នុងការសម្លាប់មួយដែលបានបញ្ចប់សង្រ្គាមអស់រយៈពេលជាច្រើនសប្តាហ៍ ក្រោយកិច្ចប្រជុំស្វែងរកបទឈប់បាញ់អចិន្រ្តៃយ៍ បានជាប់គាំង ។

គួរឲ្យដឹងថា អ៊ីស្រាអែល និងក្រុមជីវពលហាម៉ាស់ប៉ាឡេស្ទីន បានចោទប្រកាន់គ្នាទៅវិញទៅមកពីការបំពានបទឈប់បាញ់ ។ បទឈប់បាញ់នេះបានធ្វើឡើងចាប់តាំងពីខែមករារហូតមក ហើយនិងបានផ្អាកសង្រ្គាមសម្រាប់ពលរដ្ឋហ្កាហ្សា ២,៣លាននាក់ ក្រោយដែនដីរបស់ពួកគេប្រែក្លាយជាគំនរបាក់បែក ។

លោក Ramy Shaathគឺជាបាតុករមួយរូប និយាយថា នៅថ្ងៃនេះ ពួកយើងបានជួបជុំគ្នានៅទីនេះ ពីព្រោះថា ពួកយើងខឹងសម្បារខ្លាំង ។ ពួកយើងខឹងសម្បារចំពោះការសម្លាប់រង្គាលលើជនប៉ាឡេស្ទីន ។ ពួកយើងខឹងសម្បារចំពោះការបន្តការឡោមព័ទ្ធ និងកង្វះខាតស្បៀង ទឹក និងឱសថ នៅក្នុងតំបន់ហ្កាហ្សា ។

លោកបន្តថា ពួកយើងរឹតតែខឹងសម្បារថែមនេះទៅទៀត ដោយសារតែវាគឺជារឿងមិនអាចទទួលយកបាននោះទេ នៅពេលប្រើប្រាស់ការសម្លាប់រង្គាល ដើម្បីដាក់សំពាធលើក្រុមហាម៉ាស់ ឬជាសំពាធឲ្យមានកិច្ចចរចា ៕