​បាល់ទាត់៖ ​ខ្សែប្រយុទ្ធ​ប្រេ​ស៊ី​ល Neymar ត្រូវបាន​សែង​ចេញ​អំឡុង​ការប្រកួត​ដែល Paris Saint Germain យកឈ្នះ Saint Etienne នៅ​ថ្ងៃអាទិត្យ​ម្សិលមិញ ៣-១ ក្រោយ​ប៉ះទង្គិច​កជើង​ធ្ងន់​។ កីឡាករ​វ័យ ២៩ឆ្នាំ​រូបនេះ​បាន​ប៉ះទង្គិច​គ្នា​ជាមួយ​កីឡាករ​របស់ Saint Etienne ចុង​ម៉ោង​ទៅហើយ ហើយ​ការ​ប៉ះគ្នា​នោះ​ទៀតសោត​មើលទៅ​មាន​សភាព​ធ្ងន់ធ្ងរ​លើកជើង​របស់ Neymar​។

​​ថ្ងៃ​ចន្ទ​នេះ​របួស​កជើង​របស់គេ​នឹងត្រូវ​បាន​ស្កេ​ន​ពិនិត្យមើល ហើយ​ប្រសិនបើ​ត្រូវ​វះកាត់​នោះ Neymar នឹងត្រូវ​សម្រាក​ពី​ទីលាន​យ៉ាង​ហោចណាស់ ៦សប្តាហ៍​មានន័យថា​នឹង​ជា​ទាន់​សំរាប់​ការប្រកួត​វគ្គ​ចាញ់​ធ្លាក់ UEFA Champions League នៅ​ខែមករា​។ ​​ការប្រកួត​កាលពី​ថ្ងៃអាទិត្យ​ម្សិលមិញ Saint Etienne នាំមុខ​មុន​នៅ​នាទី​ទី២៣ ដោយ Denis Bouanga តែ​ក្រុម​នាំមុខគេ​នៅ​លី​គ​បារាំង​មួយ​នេះ​ក៏​វាយបក​ពីក្រោយ​ ៣​គ្រាប់​វិញ​ដោយ Marquinhos ២​គ្រាប់​ម្នាក់ឯង និង​កីឡាករ​អា​ហ្ស​ង់​ទីន Angel Di Maria ១​គ្រាប់​។ ​​PSG បាន​ពន្លាត​ពិន្ទុ​នាំមុខ​ក្នុង​តារាង​ក្រោយ​សប្តាហ៍​ទី ១៥ ដល់ ១២ពិន្ទុ​ដាច់​ក្រុម​លេខ ២ Rennes៕

​អត្ថបទ​៖​នាង សុភា​វុ​ធ