ចក្រភពអង់គ្លេស បានធ្វើបច្ចុប្បន្នភាពការណែនាំរបស់ខ្លួនសម្រាប់ការធ្វើដំណើរទៅកាន់សហរដ្ឋអាមេរិកកាលពីថ្ងៃព្រហស្បតិ៍ ដោយព្រមានអំពីផលវិបាកធ្ងន់ធ្ងរសម្រាប់ពលរដ្ឋអង់គ្លេសដែលបំពានច្បាប់អន្តោប្រវេសន៍របស់សហរដ្ឋអាមេរិក។ 

នៅក្នុងការណែនាំដែលបានធ្វើបច្ចុប្បន្នភាពរបស់ខ្លួន បានជំរុញឱ្យពលរដ្ឋអង់គ្លេស «គោរពតាមរាល់ការចូល ទិដ្ឋាការ និងលក្ខខណ្ឌផ្សេងៗទៀត»។

ការិយាល័យណែនាំការធ្វើដំណើរ បាននិយាយថា «អាជ្ញាធរនៅសហរដ្ឋអាមេរិក បានកំណត់និងអនុវត្តច្បាប់ចេញចូលយ៉ាងតឹងរ៉ឹង។ «អ្នកអាចនឹងត្រូវចាប់ខ្លួន ឬឃុំខ្លួន ប្រសិនបើអ្នកបំពានច្បាប់»។

ការជូនដំណឹងនេះ ធ្វើឡើងមួយថ្ងៃបន្ទាប់ពីប្រទេសអាល្លឺម៉ង់ បានធ្វើបច្ចុប្បន្នភាពការណែនាំអំពីការធ្វើដំណើរ ក្រោយពលរដ្ឋរបស់ខ្លួនបីនាក់ត្រូវបានឃុំខ្លួន ជាអ្នកដែលបានព្យាយាមចូលទៅក្នុងសហរដ្ឋអាមេរិក។ ការិយាល័យបរទេស របស់ចក្រភពអង់គ្លេស បានបញ្ជាក់កាលពីដើមខែនេះថា ការិយាល័យកំពុងផ្តល់ការគាំទ្រដល់ពលរដ្ឋអង់គ្លេសម្នាក់ដែលត្រូវបានគេរាយការណ៍ថា ត្រូវបានឃុំខ្លួននៅព្រំដែនក្នុងសហរដ្ឋអាមេរិក។