ប្រធានាធិបតីសហរដ្ឋអាមេរិក លោក Donald Trump បាននិយាយកាលពីថ្ងៃសុក្រ ទី២១ មីនា ក្នុងពេលជម្លោះដំឡើងពន្ធកំពុងកើនឡើង ថា ប្រមុខពាណិជ្ជកម្មជាន់ខ្ពស់របស់លោក គឺលោកJamieson Greer មានផែនការពិភាក្សាជាមួយសមភាគីចិនរបស់លោក នៅសប្តាហ៍ក្រោយ។

ការពិភាក្សា រវាងប្រទេសដែលមានសេដ្ឋកិច្ចធំបំផុតរបស់ពិភពលោក នឹងធ្វើឡើងនៅប៉ុន្មានថ្ងៃខាងមុខ មុនពេលការគំរាមកំហែងជាយូរមកនៃការបង្ហាញពីការដំឡើងពន្ធថ្មីរបស់សហរដ្ឋអាមេរិកនៅថ្ងៃទី២ ខែមេសា លើគ្រប់ប្រទេសដែលដាក់ពន្ធលើការនាំចូលរបស់សហរដ្ឋអាមេរិក ខណៈអាចរួមបញ្ចូលនូវចំណាត់ការថ្មីលើប្រទេសចិនផងដែរ។

លោក Trump បានដាក់ពន្ធបន្ថែម២០ភាគរយលើការនាំចូលទាំងអស់ពីប្រទេសចិន ចាប់តាំងពីលោកបានចូលកាន់តំណែងក្នុងខែមករា។

លោកបានអះអាងជាថ្មីថា គោលដៅរបស់លោកគឺដើម្បីបញ្ចប់ការដឹកជញ្ជូនសារធាតុគីមីរបស់ចិន ដែលត្រូវបានប្រើប្រាស់ក្នុងការសំយោគសារធាតុញៀនហ្វង់តានីលខុសច្បាប់ ឆ្លងកាត់ប្រទេសម៉ិកស៊ិក ជាគោលដៅមួយដែលអាចតម្រូវឱ្យមានកិច្ចសហប្រតិបត្តិការពង្រឹងការអនុវត្តច្បាប់បន្ថែមទៀតរវាងប្រទេសនានា។