មនុស្សរាប់រយនាក់ បានប្រមូលផ្តុំគ្នា ដើម្បីបង្ហាញពីសាមគ្គីភាពជាមួយប៉ាឡេស្ទីន នៅទីក្រុង San Sebastián នៃប្រទេសអេស្ប៉ាញ កាលពីថ្ងៃសៅរ៍ (ទី ២២ ខែមីនា) ជាបាតុកម្មមួយដែលរៀបចំឡើងដោយគំនិតផ្តួចផ្តើមរបស់ពលរដ្ឋ «Gernika-Palestina។

ក្រុមអ្នកចូលរួមនៅក្នុងទីក្រង San Sebastián បានដើរហែក្បួនឆ្លងកាត់កណ្តាលទីក្រុងនេះ ដោយកាន់បដា និងស្រែកពាក្យស្លោកប្រឆាំងនឹងសកម្មភាពយោធាអ៊ីស្រាអែល។

ការវាយប្រហារតាមអាកាសចុងក្រោយបង្អស់របស់អ៊ីស្រាអែល បានសម្លាប់ជនជាតិប៉ាឡេស្ទីនជាង ៤០០ នាក់ ដែលជារយៈពេលដ៏អាក្រក់បំផុតមួយ នៅក្នុងជម្លោះដែលកំពុងបន្តនេះ ។

ទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅតំបន់ដើម  បូព៌ា (UNRWA) បាននិយាយថា ស្ថានភាពមនុស្សធម៌នៅតំបន់ហ្កាហ្សា គឺគួរឲ្យព្រួយបារម្ភយ៉ាងខ្លាំង ជាថ្មីម្តងទៀត។