ប្រព័ន្ធផ្សព្វផ្សាយរដ្ឋ និងអ្នកផ្សាយផ្សេងទៀត បាននិយាយថា តុលាការទួរគីនៅថ្ងៃអាទិត្យនេះ បានសម្រេចឃុំខ្លួនអភិបាលក្រុងអ៊ីស្តង់ប៊ុល លោក Ekrem Imamoglu ក្នុងពន្ធនាគារ រង់ចាំការកាត់ក្តី ដែលជាការចំណាត់ការមួយធ្វើឲ្យមានការតវ៉ាដ៏ធំបំផុត នៅក្នុងប្រទេសនេះ ក្នុងរយៈពេលជាងមួយទសវត្សរ៍។

ការសម្រេចបញ្ជូនលោក Imamoglu ដែលជាគូប្រជែងនយោបាយសំខាន់របស់លោកប្រធានាធិបតី     តាយីប អឺដូហ្កាន់ (Tayyip Erdogan) ទៅពន្ធនាគារ បានកើតឡើង បន្ទាប់ពីគណបក្សប្រឆាំងដ៏ធំ ក្រុមមេដឹកនាំអឺរ៉ុប និងបាតុកររាប់ម៉ឺននាក់ បានរិះគន់សកម្មភាពប្រឆាំងនឹងលោកអភិបាលក្រុងនេះថា ជារឿងនយោបាយ។

តុលាការ បាននិយាយថា លោក Imamoglu និងយ៉ាងហោចណាស់មនុស្ស ២០នាក់ផ្សេងទៀត ត្រូវបានជាប់ពន្ធនាគារ ជាផ្នែកនៃការស៊ើបអង្កេតអំពើពុករលួយ។ សេចក្តីសម្រេចដាច់ដោយឡែកមួយស្តីពីការស៊ើបអង្កេតពាក់ព័ន្ធនឹងភេរវកម្ម មិនទាន់ត្រូវបានចេញនៅឡើយទេ។