ប្រទេសបូលីវី បានប្រារព្ធខួបលើកទី១៤៦នៃការបាត់បង់ឆ្នេរសមុទ្ររបស់ខ្លួន ដោយមានក្បួនព្យុះហយាត្រាស៊ីវិលនិងយោធា កាលពីថ្ងៃអាទិត្យ ទី២៣ ខែមីនា ចូលរួមដោយប្រធានាធិបតី លោក លូអ៊ីស អាស(Luis Arce) និងអនុប្រធានាធិបតី លោក David Choquehuanca ។

ប្រទេសបូលីវី បានបាត់បង់ច្រកចូលទៅកាន់មហាសមុទ្រ បន្ទាប់ពីសង្គ្រាមមហាសមុទ្រប៉ាស៊ីហ្វិក ជាជម្លោះរវាងប្រទេសឈីលី និងសម្ព័ន្ធមិត្តបូលីវី-ប៉េរូ នៅចន្លោះឆ្នាំ១៨៧៩ ដល់ឆ្នាំ១៨៨៤។ វាធ្វើឱ្យប្រទេសឈីលី ទទួលបានជ័យជម្នះ និងទទួលបានដែនដីដែលសម្បូរធនធានពីប្រទេសប៉េរូ និងបូលីវី។

ក្នុងអំឡុងព្រឹត្តិការណ៍ទិវាសមុទ្រ លោកប្រធានាធិបតី Arce បានប្រកាសពីផែនការរំលាយការគ្រប់គ្រងដែនសមុទ្រយុទ្ធសាស្ត្រ និងវាយតម្លៃដំណើរការនេះ នៅតុលាការយុត្តិធម៌អន្តរជាតិ (ICJ)។

ទោះបីជាមានសេចក្តីសម្រេចរបស់តុលាការ ICJ ថា ប្រទេសឈីលី ពុំមានកាតព្វកិច្ចដើម្បីចរចារច្រកអធិបតេយ្យភាពទៅកាន់មហាសមុទ្រក៏ដោយ ក៏លោក Arce បានបញ្ជាក់ពីការស្វែងរកបន្តរបស់ប្រទេសបូលីវី ចំពោះសិទ្ធិដែនសមុទ្ររបស់ខ្លួនតាមរយៈការសន្ទនា និងច្បាប់អន្តរជាតិ។

លោកប្រធានាធិបតី បានសង្កត់ធ្ងន់លើសារៈសំខាន់នៃការរក្សាកិច្ចខិតខំប្រឹងប្រែងផ្នែកការទូត ដើម្បីធានាបានច្រកចូលទៅកាន់មហាសមុទ្រប៉ាស៊ីហ្វិករបស់ប្រទេសបូលីវី។