កម្ពុជា​ហាម​ឃាត់​អ្នក​ដំណើរ​មក​ពី​ប្រទេស​ចំនួន​១០​នៅ​ទ្វីប​អាហ្វ្រិក​មិន​ឱ្យ​ចូល​មក​​កម្ពុជា​ ក្រោយ​ពិភព​លោក​រក​ឃើញ​មេរោគ​កូវីដ-១៩​បំប្លែង​ខ្លួន​ថ្មី

កម្ពុជាហាមឃាត់អ្នកដំណើរមកពីប្រទេសចំនួន១០នៅទ្វីបអាហ្វ្រិកមិនឱ្យចូលមកកម្ពុជា ក្រោយពិភពលោករកឃើញមេរោគកូវីដ-១៩បំប្លែងខ្លួនថ្មី

ភ្នំពេញ៖ កម្ពុជាបានសម្រេចហាមឃាត់អ្នកដំណើរមកពីប្រទេសចំនួន ១០នៅទ្វីបអាហ្វ្រិក ដែលជាវិធានការថ្មីបំផុតឆ្លើយតបនឹងការរីករាលដាលនៃមេរោគកូវីដ-១៩បំប្លែងថ្មី។

សេចក្ដីសម្រេចបែបនេះរបស់កម្ពុជា ត្រូវបានប្រកាសឱ្យដឹងតាមរយៈសេចក្ដីប្រកាសព័ត៌មានរបស់ក្រសួងសុខាភិបាលនៅយប់នេះ។

ប្រទេសទាំង ១០នៅទ្វីបអាហ្វ្រិកដែលស្ថិតក្នុងបញ្ជីហាមឃាត់នេះ មានប្រទេសបូស្វាណា អេស្វាទីនី ឡេសូតូ មូហ្សំប៊ិក ណាមីប៊ី អាហ្វ្រិកខាងត្បូង ហ្ស៊ីមបាវ៉េ ម៉ាឡាវី អង់ហ្កូឡា និងហ្សំប៊ី។

នៅក្នុងសេចក្ដីប្រកាសព័ត៌មានដដែលនេះ កម្ពុជាក៏ហាមឃាត់អ្នកដំណើរដែលមានប្រវត្តិធ្វើដំណើរមកពីប្រទេសទាំង ១០នេះផងដែរ។ ក្រសួងសុខាភិបាលបញ្ជាក់ថា កម្ពុជាបានសម្រេចបែបនេះ បន្ទាប់ពីអង្គការសុខភាពពិភពលោក បានប្រកាសឱ្យដឹងពីការរកឃើញមេរោគកូវីដ-១៩បំប្លែងថ្មីឈ្មោះថា អូមីក្រុង (Omicron) ដែលបានផ្ទុះឡើងនៅប្រទេសអាហ្វ្រិកខាងត្បូង និងបានរាលដាលទៅដល់ប្រទេសមួយចំនួនហើយ។

អង្គការសុខភាពពិភពលោក បានឱ្យដឹងកាលពីសប្ដាហ៍មុនថា មេរោគកូវីដ-១៩បំប្លែងថ្មីឈ្មោះថា អូមីក្រុង អាចឆ្លងរីករាលដាលលឿនជាងមេរោគកូវីដ-១៩បំប្លែងខ្លួនឈ្មោះថា ឌែលតាទៅទៀត។

ការរកឃើញមេរោគកូវីដ-១៩បំប្លែងថ្មីនេះ បានជំរុញឱ្យក្ដីបារម្ភជាថ្មីអំពីការឆ្លងរីករាលដាលនៃមេរោគកូវីដ-១៩ ហើយប្រទេសមួយចំនួននៅអឺរ៉ុប អាស៊ី និងតំបន់អាមេរិកខាងជើង បានចាត់ហាមឃាត់ជើងហោះហើរមួយចំនួនហើយ ដើម្បីទប់ស្កាត់ការឆ្លងរាលដាលនៃមេរោគទម្រង់ថ្មីនេះ៕

អត្ថបទដែលទាក់ទង

រដ្ឋមន្ត្រីការបរទេសកម្ពុជាជម្រាបជូនរដ្ឋមន្ត្រីការបរទេសកូរ៉េអំពីបច្ចុប្បន្ន ភាពនៃស្ថានភាពព្រំដែនកម្ពុជា-ថៃ

សម្តេចកិត្តិសង្គហបណ្ឌិត ម៉ែន សំអន ចាត់ទុកវិនិយោគិនគឺជា «ដៃគូអភិវឌ្ឍន៍ដែលមិនអាចខ្វះបាន» ខណៈដែលក្រុមហ៊ុនចិនធំៗចំនួន ៦០ សម្លឹងឃើញពីសក្តានុពល និងឱកាសវិនិយោគនៅកម្ពុជា

អ្នករាយការណ៍ពិសេសសម្តែងនូវការបារម្ភចំពោះស្ថាននភាពសិទ្ធិមនុស្សដោយសារជម្លោះព្រំដែន

បណ្ដាញសង្គម

ព័ត៌មានចុងក្រោយ

ចិនជំរុញឱ្យសហរដ្ឋអាមេរិក និងអ៊ីរ៉ង់បញ្ឈប់អរិភាព ហើយចាប់ផ្ដើមការសន្ទនាឡើងវិញ

លោក Rubio បញ្ជាក់ថា អ៊ីរ៉ង់នឹងខាតបង់ធ្ងន់ធ្ងរ ប្រសិនបើមិនភ្ញាក់រលឹកឡើងវិញ

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877