អាជ្ញាធរកូរ៉េខាងត្បូង បាននិយាយនៅថ្ងៃចន្ទនេះថា ពួកគេបានដាក់ពង្រាយឧទ្ធម្ភាគចក្ររាប់សិបគ្រឿង និងអ្នកពន្លត់អគ្គិភ័យ និងទាហានរាប់ពាន់នាក់ ខណៈដែលពួកគេតស៊ូ ដើម្បីគ្រប់គ្រងភ្លើងចំហេះព្រៃជាច្រើនកន្លែង នៅភាគអាគ្នេយ៍ ដែលបានឆេះអស់ជាច្រើនថ្ងៃមកហើយ។

រហូតមកដល់ពេលនេះ មនុស្ស ៤នាក់ បានស្លាប់ហើយ ដោយមន្ត្រីបានព្រមានថា ខ្យល់បក់ខ្លាំង និងសីតុណ្ហភាពក្តៅខ្លាំង កំពុងរារាំងដល់កិច្ចខិតខំប្រឹងប្រែងពន្លត់ភ្លើង ដែលកំពុងឆេះនេះ។

លោក Lim Sang-seop ប្រធានសេវាគ្រប់គ្រងព្រៃឈើកូរ៉េខាងត្បូង បានប្រាប់សន្និសីទសារព័ត៌មានមួយថា នៅក្នុងទីក្រង Uiseong ផ្ទៃដីជិត ៧.000 ហិកតា ត្រូវបានរងផលប៉ះពាល់ ហើយមនុស្សប្រហែល ៦០០ នាក់ ត្រូវបានជម្លៀសចេញ។  

លោកបាននិយាយថា៖«ឧទ្ធម្ភាគចក្រប្រយុទ្ធនឹងភ្លើងចំហេះព្រៃសរុបចំនួន ៥៧គ្រឿង ត្រូវដាក់ពង្រាយ ដើម្បីពន្លត់ភ្លើង» ដោយបន្ថែមថា បុគ្គលិកពន្លត់អគ្គិភ័យជាង ២,៦០០នាក់ រួមទាំងទាហាន ត្រូវបានប្រមូលផ្តុំ ដើម្បីឆ្លើយតឲ្យអស់ពីសមត្ថភាពរបស់ពួកគេ។

ភ្លើងបានរលត់មួយផ្នែកហើយ ប៉ុន្តែនៅបន្តឆេះ រហូតដល់រសៀលថ្ងៃចន្ទនេះ។