រដ្ឋបាលក្នុងតំបន់ បានប្រាប់ឲ្យដឹងថា ក្រុមអ្នកពន្លត់អគ្គិភ័យ បានបន្តការងាររបស់ខ្លួនជាថ្ងៃទី ៥ ហើយ ដើម្បីពន្លត់អណ្ដាតភ្លើង នៅឃ្លាំងស្តុកប្រេង ក្នុងតំបន់ Krasnodar របស់ប្រទេសរុស្ស៊ី ដែលបានឆាបឆេះឡើង កាលពីសប្តាហ៍មុន ដោយសារការវាយប្រហារពីយានដ្រូន ដែលអាជ្ញាធរបានស្តីបន្ទោសទៅលើអ៊ុយក្រែន។

តាមរយៈការបង្ហោះ នៅលើកម្មវិធីផ្ញើសារ Telegram កាលពីថ្ងៃអាទិត្យ (ទី២៣ ខែមីនា) តាមពេលវេលាម៉ោង ក្នុងស្រុក រដ្ឋបាលបានឲ្យដឹងថា៖ «សឺទែនប្រេងមួយ និងផលិតផលប្រេង នៅក្នុងទីកន្លែងស្តុកនោះ កំពុងឆេះ»។

រដ្ឋបាល បានបន្ថែមនៅលើ Telegram ថា គិតត្រឹមម៉ោង ១៧ ម៉ោងសកល នៅថ្ងៃអាទិត្យនោះ តំបន់អគ្គិភ័យ នៅកន្លែងស្ដុកប្រេង ក្បែរភូមិ Kavkazskaya មានទំហំប្រហែល ២.០០០ម៉ែត្រការ៉េ។ តំបន់ចំហេះ បានរាលដាលឡើងជិតទ្វេដង នៅយប់មុនពេលមានការលេចធ្លាយផលិតផលប្រេង។

ក្រសួងការបរទេសរុស្ស៊ីបាននិយាយថា ការវាយប្រហារនេះ គឺស្មើនឹងការរំលោភលើកិច្ចព្រមព្រៀង ដើម្បីបញ្ឈប់ការវាយប្រហារលើហេដ្ឋារចនាសម្ព័ន្ធថាមពល ក្រោមកិច្ចខិតខំប្រឹងប្រែង ដើម្បីធានាឲ្យបានបទឈប់បាញ់ ក្នុងសង្គ្រាម នៅអ៊ុយក្រែន៕