ប្រទេសរ្វ៉ាន់ដាកាលពីថ្ងៃអាទិត្យ បានស្វាគមន៍ការសម្រេចចិត្តរបស់ក្រុមឧទ្ទាម M23 ក្នុងការដកខ្លួនចេញពីទីក្រុង Walikale ដែលខ្លួនដណ្តើមបានកាលពីដើមសប្តាហ៍មុន ក៏ដូចជាការសម្រេចចិត្តរបស់រដ្ឋាភិបាលកុងហ្គោ ក្នុងការបន្ធូរបន្ថយអរិភាព នៅភាគខាងកើតនៃសាធារណរដ្ឋប្រជាធិបតេយ្យកុងហ្គោ (DRC)។

សម្ព័ន្ធភាព Congo River Alliance ជាសម្ព័ន្ធនយោបាយ-យោធា ដែលរួមមានក្រុមឧទ្ទាម M23 កាលពីថ្ងៃសៅរ៍ បានប្រកាសពីការសម្រេចចិត្តរបស់ខ្លួន ដើម្បី «ដក» កងកម្លាំងរបស់ខ្លួនចេញពីទីក្រុង Walikale និងតំបន់ជុំវិញ។ ចលនានេះ បាននិយាយថា មានគោលបំណងគាំទ្រដល់គំនិតផ្តួចផ្តើមសន្តិភាព និងបង្កើតលក្ខខណ្ឌអំណោយផលដល់ការសន្ទនានយោបាយ ដើម្បីដោះស្រាយបញ្ហាឫសគល់នៃជម្លោះ នៅភាគខាងកើតប្រទេសកុងហ្គោ។

ជាការឆ្លើយតប យោធាបានជំរុញឲ្យកងកម្លាំងការពារស្វ័យការពារកុងហ្គោ កាត់បន្ថយការភាពតានតឹង នៅថ្ងៃដដែល ដោយសង្កត់ធ្ងន់លើតម្រូវការក្នុងការកំណត់អាទិភាពនៃកិច្ចពិភាក្សាសន្តិភាព និងជំរុញដំណើរការកិច្ចសន្ទនាទៅទីក្រុង Luanda នៃប្រទេសអង់ហ្គោឡា និងទីក្រុងNairobi ប្រទេសកេនយ៉ា។

សេចក្តីថ្លែងការណ៍ពីការិយាល័យអ្នកនាំពាក្យរបស់រដ្ឋាភិបាលរ្វ៉ាន់ដា បានឲ្យដឹងថា៖«ប្រទេសនេះ ស្វាគមន៍សេចក្តីប្រកាសរបស់ក្រុម M23 ស្តីពីការដកកងកម្លាំងរបស់ខ្លួនចេញពីទីក្រុង Walikale ដើម្បីគាំទ្រដល់គំនិតផ្តួចផ្តើមសន្តិភាព ដែលកំពុងដំណើរការ និងសេចក្តីប្រកាសរបស់ប្រទេសកុងហ្គោដែលថា ប្រតិបត្តិការវាយលុកទាំងអស់ដោយកងកម្លាំងរដ្ឋាភិបាលកុងហ្គោ និងកងជីវពលគាំទ្ររដ្ឋាភិបាល នឹងត្រូវបញ្ឈប់។