ប្រធានាធិបតីប្រេស៊ីលលោក Luiz Inacio Lula da Silva ទទួលបានការស្វាគមន៍យ៉ាងកក់ក្តៅពីព្រះចៅអធិរាជជប៉ុន Naruhito នៅឯព្រះបរមរាជវាំងនាថ្ងៃអង្គារនេះ ។

 លោក Silva និងភរិយា ត្រូវបានទទួលស្វាគមន៍ដោយព្រះចៅអធិរាជ Naruhito និងរាជនី Masako នៅក្នុងពិធីមួយមានការចូលរួមពីកងកិត្តិយស ដែលរៀបចំឡើងនៅឯព្រះបរមរាជវំាង ។

 គួរឲ្យដឹងថា លោក Lula បានធ្វើដំណើរមកដល់ប្រទេសជប៉ុនកាលពីថ្ងៃចន្ទ សម្រាប់ដំណើរទស្សនកិច្ចផ្លូវរដ្ឋរយៈពេល ៤ថ្ងៃ អមដំណើរដោយគណៈប្រតិភូធុរកិច្ចទ្រង់ទ្រាយធំមានសមាជិកចំនួន ១០០នាក់ ស្របពេលដែលប្រទេសប្រេស៊ីល ព្យាយាមពង្រឹងទំនាក់ទំនងពាណិជ្ជកម្មជាមួយប្រទេសជប៉ុន ស្របពេលមានការដំឡើងពន្ធរបស់សហរដ្ឋអាមេរិក ។

 ដំណើរទស្សនកិច្ចនេះដែរ មានគោលដៅពង្រីកភាពជាដៃគូធុរកិច្ច និងពិភាក្សាលើការវិនិយោគទុន និងកិច្ចសហប្រតិបត្តិការលើវិស័យយុទ្ធសាស្រ្តជាច្រើន ឆ្លុះបញ្ចាំងភាពពាក់ព័ន្ធនៃដំណើរទស្សនកិច្ចនេះថាជាការពង្រឹងទំនាក់ទំនងទ្វេភាគីរវាងប្រេស៊ីល និងជប៉ុន ៕