អាហ្វហ្គានីស្ថាន៖ មនុស្សដែលដឹងពីគម្រោងនេះបានប្រាប់ទីភ្នាក់ងារសារព័ត៌មាន Reuters ថា ធនាគារពិភពលោកកំពុងបញ្ចប់សំណើដើម្បីផ្តល់ប្រាក់រហូតដល់ ៥០០លានដុល្លារពីមូលនិធិជំនួយអាហ្វហ្គានីស្ថានដែលត្រូវបានបង្កកដល់ភ្នាក់ងារមនុស្សធម៌ ប៉ុន្តែបានទុកឲ្យបុគ្គលិកផ្នែកសាធារណៈរាប់ម៉ឺននាក់នៅតែជួបភាពស្មុគស្មាញ ដោយសារទណ្ឌកម្មរបស់សហរដ្ឋអាមេរិក។
សមាជិកក្រុមប្រឹក្សាភិបាលនឹងជួបប្រជុំគ្នាក្រៅផ្លូវការនៅថ្ងៃអង្គារនេះ ដើម្បីពិភាក្សាអំពីសំណើដែលត្រូវបានអនុម័តកាលពីប៉ុន្មានសប្ដាហ៍ថ្មីៗនេះជាមួយក្រុមមន្ត្រីអាមេរិក និងអង្គការសហប្រជាជាតិ ដើម្បីបញ្ជូនបន្តមូលនិធិពីទុនបម្រុងស្ថាបនាឡើងវិញរបស់ប្រទេសអាហ្វហ្គានីស្ថានហៅកាត់ថា (ARTF) ដែលមានទំហំទឹកប្រាក់សរុប ១.៥ពាន់លានដុល្លារ។ ប្រជាជនចំនួន ៣៩លាននាក់របស់អាហ្វហ្គានីស្ថានប្រឈមនឹងវិបត្តិសេដ្ឋកិច្ចកង្វះស្បៀងអាហារក្នុងរដូវរងា និងភាពក្រីក្រដែលកំពុងកើនឡើង ៣ខែបន្ទាប់ពីពួកតាលីបង់បានដណ្ដើមអំណាច ខណៈដែលទាហានចុងក្រោយរបស់សហរដ្ឋអាមេរិកត្រូវបានដកចេញពីសង្គ្រាម ២០ឆ្នាំ។
ប្រភពនានាបាននិយាយថា ក្រុមអ្នកជំនាញអាហ្វហ្គានីស្ថានបាននិយាយថា ជំនួយនេះនឹងជួយ ប៉ុន្តែគម្លាតធំនៅតែមានរួមទាំងរបៀបយកមូលនិធិទៅប្រទេសអាហ្វហ្គានីស្ថាន ដោយមិនបង្ហាញស្ថាប័នហិរញ្ញវត្ថុពាក់ព័ន្ធនឹងការដាក់ទណ្ឌកម្ម របស់សហរដ្ឋអាមេរិក និងកង្វះការយកចិត្តទុកដាក់លើបុគ្គលិករដ្ឋ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
