ជនប៉ាឡេស្ទីន បានជួបជុំគ្នានៅជាប់អគាររងការខូចខាត នៅទីក្រុង Deir al-Balah តំបន់ហ្កាហ្សានាថ្ងៃអង្គារនេះ អង្កេតការបំផ្លិចបំផ្លា្ ក្រោយការវាយប្រហារតាមច្រកអាកាសរបស់អ៊ីស្រាអែលលើផ្ទះមួយខ្នង បណ្តាលឲ្យមានការខូចខាតទ្រង់ទ្រាយធំ ។

ក្រុមមន្រ្តីសុខភាពក្នុងស្រុក បានឲ្យដឹងថា ការវាយប្រហាររបស់អ៊ីស្រាអែលទូទាំងតំបន់ហ្កាហ្សាស្រ្ទីប បានសម្លាប់ជនប៉ាឡេស្ទីនយ៉ាងហោច ២៣នាក់ នៅថ្ងៃអង្គារនេះ ស្របពេលដែលយោធាអ៊ីស្រាអែលបង្កើនបទបញ្ជាជម្លៀសខ្លួនមនុស្សរាប់ម៉ឺននាក់ នៅក្នុងដែនដីមួយនេះ ។

យោធាអ៊ីស្រាអែល បានចាប់ផ្តើមឡើងវិញយុទ្ធនាការសឹករបស់ពួកគេលើក្រុមហាម៉ាសកាលពីរយៈពេល ១សប្តាហ៍មុន ធ្វើឲ្យរង្គោះរង្គើរដល់បទឈប់បាញ់រយៈពេល ២ខែ ។

ចាប់តាំងពីពេលនោះមក មនុស្សជិត ៧០០នាក់ ដែលភាគច្រើនគឺជាស្រ្តី និងកុមារ ត្រូវបានសម្លាប់ ។ ការបង្ហូរឈាមចុងក្រោយបំផុតនេះដែរ នៅក្នុងជម្លោះអ៊ីស្រាអែល-ប៉ាឡេស្ទីនរយៈពេលរាប់ទសវត្សរ៍ បង្កឡើងដោយសារការវាយប្រហារកាលពីថ្ងៃទី ៧ ខែតុលា ឆ្នាំ ២០២៣ ពេលដែលអ៊ីស្រាអែល វាយប្រហារអ៊ីស្រាអែលសម្លាប់មនុស្ស ១.២០០នាក់ និងចាប់ចំណាប់ថ្នូរប្រហែល ២៥០នាក់ ។

យោងតាមការអះអាងរបស់ក្រសួងសុខាភិបាលក្នុងស្រុក បានឲ្យដឹងថា ការវាយប្រហារចុងក្រោយរបស់អ៊ីស្រាអែលលើតំបន់ហ្កាហ្សា បានធ្វើឲ្យចំនួនជនប៉ាឡេស្ទីនស្លាប់នៅក្នុងសង្រ្គាមមួយនេះ កើនឡើងជាង ៥ម៉ឺននាក់ ៕