តុលាការកំពូលរបស់ប្រទេសអូទ្រីស នៅថ្ងៃអង្គារ (ទី២៥ ខែមីនា) នេះ បានកាត់ទោសអតីតរដ្ឋមន្ត្រីហិរញ្ញវត្ថុអូទ្រីស គឺលោក Karl-Heinz Grasser ឲ្យជាប់ពន្ធនាគាររយៈពេល ៤ឆ្នាំ ដោយបដិសេធបណ្តឹងឧទ្ធរណ៍ជំទាស់នឹងការផ្តន្ទាទោសលើរូបលោក កាលពីឆ្នាំ២០២០ ជុំវិញការចោទប្រកាន់ពីបទពុករលួយ។

តុលាការកំពូលរបស់ប្រទេសអូទ្រីស បានតម្កល់ការចោទប្រកាន់ពីបទពុករលួយដែលបានធ្វើឡើងប្រឆាំងនឹងលោក Grasser ប៉ុន្តែបានកាត់បន្ថយការការកាត់ទោសដើមរយៈពេល ៨ឆ្នាំដែលត្រូវបានសម្រេច ចំពោះអតីតអ្នកនយោបាយដ៏លេចធ្លោរូបនេះ។

នៅឆ្នាំ២០២០ តុលាការជាន់ទាបបានរកឃើញថា លោក Grasser មានទោសពីបទក្លែងបន្លំ ទទួលយកអំណោយខុសច្បាប់ និងបន្លំភស្តុតាង នៅក្នុងរឿងអាស្រូវដែលផ្តោតលើការធ្វើឯកជនភាវូបនីយកម្មនៃលំនៅឋានរដ្ឋរាប់ពាន់ខ្នង។ លោក Grasser តែងតែបដិសេធការចោទប្រកាន់នេះ។ សាលក្រមនោះមិនមានចំណងផ្លូវច្បាប់ដែលរង់ចាំការប្តឹងឧទ្ធរណ៍។

សូមបញ្ជាក់ថា លោក Grasser វ័យ ៥៦ឆ្នាំ ដែលបានធ្វើជារដ្ឋមន្ត្រីហិរញ្ញវត្ថុរបស់ប្រទេសអូទ្រីស ចន្លោះឆ្នាំ២០០០ និងឆ្នាំ២០០៧ ធ្លាប់ទទួលបានការគាំទ្រយ៉ាងខ្លាំងពីនយោបាយស្ដាំនិយម នៅក្នុងប្រទេសនេះ ហើយបានរៀបការជាមួយអ្នកស្នងមរតកនៃគ្រួសារ Swarovski៕