វិមានក្រឹមឡាំង បាននិយាយនៅក្នុងសេចក្តីថ្លែងការណ៍ផ្លូវការ បន្ទាប់ពីកិច្ចពិភាក្សារវាងក្រុមអ្នកជំនាញនៃទីក្រុងមូស្គូ និងវ៉ាស៊ីនតោន នៅទីក្រុងរីយ៉ាដ ប្រទេសអារ៉ាប៊ីសាអ៊ូឌីតថា ប្រទេសរុស្សី នឹងមិនបន្តកិច្ចព្រមព្រៀងគ្រាប់ធញ្ញជាតិ នៅក្នុងសមុទ្រខ្មៅ ដោយគ្មានការដកទណ្ឌកម្មលើនាវា និងការផ្គត់ផ្គង់គ្រឿងចក្រកសិកម្មរបស់ខ្លួននោះទេ។

ការដក«ការរឹតបន្តឹងលើសេវាកំពង់ផែនៃនាវា និងការដកទណ្ឌកម្មលើនាវាក្រោមទង់ជាតិរុស្ស៊ី ការចូលរួមក្នុងម្ហូបអាហារ (រួមទាំងត្រី) និងពាណិជ្ជកម្មជី» ត្រូវបានចង្អុលបង្ហាញ ក្នុងចំណោមលក្ខខណ្ឌសម្រាប់ការបន្តកិច្ចព្រមព្រៀងនានា តទៅទៀត។

វិមានក្រឹមឡាំង បានកត់សម្គាល់ថា លក្ខខណ្ឌមួយបន្ថែមទៀត គឺការដក «ការរឹតបន្តឹងការផ្គត់ផ្គង់គ្រឿងចក្រកសិកម្ម និងទំនិញផ្សេងទៀត ដែលប្រើប្រាស់ក្នុងម្ហូបអាហារ (រួមទាំងផលិតផលត្រី) និងការ       ផលិតជី»។

សេចក្តីថ្លែងការណ៍បង្ហាញថា ទីក្រុងវ៉ាស៊ីនតោន នឹងជួយសម្រួលដល់ការស្ដារឡើងវិញនូវលទ្ធភាពទទួលបានផលិតផលកសិកម្ម និងជីរបស់ប្រទេសរុស្ស៊ី ទៅកាន់ទីផ្សារអន្តរជាតិ។

វិមានក្រឹមឡាំង បាននិយាយថា៖«សហរដ្ឋអាមេរិក នឹងជួយសម្រួលដល់ការស្ដារឡើងវិញនូវលទ្ធភាពនៃការនាំចេញផលិតផលកសិកម្ម និងជីរបស់រុស្ស៊ី ទៅកាន់ទីផ្សារពិភពលោក ការកាត់បន្ថយថ្លៃធានារ៉ាប់រងនៃការដឹកជញ្ជូនតាមសមុទ្រ និងការពង្រីកច្រកចូលកំពង់ផែ និងប្រព័ន្ធទូទាត់សម្រាប់ប្រតិបត្តិការបែបនេះ»។