ប្រព័ន្ធផ្សព្វផ្សាយរបស់ក្រុមហ៊ួទី នៅក្នុងប្រទេសយេម៉ែន បានរាយការណ៍នៅថ្ងៃពុធនេះថា យ៉ាងហោចណាស់មានការវាយប្រហារចំនួន ១៧លើក នៅទីក្រុង Saada និងទីក្រុង Amran ត្រូវបានបន្ទោស   សហរដ្ឋអាមេរិកចំពោះការវាយប្រហារនេះ។

គេហទំព័រ Ansarollah របស់ក្រុមឧទ្ទាម បានលើកឡើងថា យន្តហោះចម្បាំងរបស់សហរដ្ឋអាមេរិក បានធ្វើ «ការវាយឆ្មក់តាមអាកាសគ្មានមេត្តា បានបណ្តាលឲ្យខូចខាតដល់ទ្រព្យសម្បត្តិរបស់ពលរដ្ឋ ប៉ុន្តែមិនបានផ្តល់ព័ត៌មានលម្អិតអំពីអ្នកស្លាប់និងរងរបួសនោះទេ។

ទីក្រុងវ៉ាស៊ីនតោន កាលពីថ្ងៃទី ១៥ ខែមីនា បានប្រកាសពីការវាយលុកផ្នែកយោធាប្រឆាំងនឹងក្រុមហ៊ូទី ដែលគាំទ្រដោយអ៊ីរ៉ង់ ដោយសន្យាថា នឹងប្រើប្រាស់កម្លាំងដ៏លើសលប់ រហូតដល់ក្រុមនេះ ឈប់បាញ់លើនាវា នៅក្នុងផ្លូវដឹកជញ្ជូនសំខាន់ៗនៃសមុទ្រក្រហម និងឈូងសមុទ្រAden។

នៅថ្ងៃនោះ បានឃើញរលកនៃការវាយប្រហារតាមអាកាសរបស់សហរដ្ឋអាមេរិក ដែលក្រុមមន្ត្រីបាននិយាយថា បានសម្លាប់មេដឹកនាំជាន់ខ្ពស់របស់ក្រុមហ៊ួទី ហើយក្រសួងសុខាភិបាលរបស់ក្រុមឧទ្ទាម បានអះអាងថា បានសម្លាប់មនុស្សចំនួន ៥៣នាក់។

ចាប់តាំងពីពេលនោះមក ផ្នែកដែលគ្រប់គ្រោយដោយក្រុមហ៊ួទី នៃប្រទេសយេម៉ែនបានឃើញការវាយប្រហារជារៀងរាល់ថ្ងៃ ដែលក្រុមនេះ បានស្តីបន្ទោសលើសហរដ្ឋអាមេរិក ដោយក្រុមឧទ្ទាម បានប្រកាសពីកាកំណត់គោលដៅទៅលើនាវាយោធាអាមេរិក និងអ៊ីស្រាអែល។