ប្រធានាធិបតីប្រទេសបូលីវី លោក លូអ៊ីស អាស(Luis Arce) បានប្រកាសរដ្ឋក្នុងគ្រាអាសន្ន កាលពីថ្ងៃពុធ ទី២៦ មីនា បន្ទាប់ពីមានភ្លៀងធ្លាក់ខ្លាំង និងទឹកជំនន់ធ្ងន់ធ្ងរ បណ្តាលឲ្យឱ្យមនុស្សជាង ៥០ នាក់ស្លាប់ និងជាង ១០ ម៉ឺននាក់ភៀសខ្លួននៅទូទាំងប្រទេស។

តំបន់លំនៅឋានចំនួនប្រាំបួនរបស់ប្រទេសបូលីវី បានរងផលប៉ះពាល់ដោយភ្លៀងធ្លាក់ខ្លាំង ដោយតំបន់មួយត្រូវបានចាត់ទុកស្ថិតក្នុងស្ថានភាពរដ្ឋនៃគ្រោះមហន្តរាយ និងតំបន់ផ្សេងទៀត ស្ថិតក្នុងរដ្ឋគ្រាអាសន្ន។ ប្រទេសបូលីវី ដែលមានប្រជាជនជាង១២លាននាក់ ជាធម្មតាមានរដូវវស្សា ចាប់ពីខែវិច្ឆិកា ដល់ខែមីនា។

លោក Lucia Walper មកពីអង្គភាពសេវាឧតុនិយម Senamhi របស់ប្រទេសបូលីវី បាននិយាយថា មានការជូនដំណឹងពណ៌លឿងទុំ និងព័ណ៌ក្រហម សម្រាប់ទឹកទន្លេពេញហៀរ ដែលជាធម្មតាត្រូវបានចេញការព្រមាននៅក្នុងខែកុម្ភៈ បែជាត្រូវបានចេញនៅក្នុងខែមីនាឆ្នាំនេះ ហើយបន្តរហូតដល់ខែមេសា។

រដ្ឋក្នុងគ្រាអាសន្ន នឹងអនុញ្ញាតឱ្យរដ្ឋាភិបាលទិញការផ្គត់ផ្គង់ និងសម្រួលដល់ការដាក់ពង្រាយធនធាន។ ទាហានរាប់ពាន់នាក់ ត្រូវបានដាក់ពង្រាយនៅជុំវិញប្រទេសដើម្បីជួយចែកចាយជំនួយដល់តំបន់ដែលរងផលប៉ះពាល់ខ្លាំង។