ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា ជប៉ុនគ្រោងផ្ដល់កម្ចីសម្បទានចំនួន ២០ប៊ីលានយ៉េន ឬប្រហែល ១៨០លានដុល្លារបន្ថែមទៀតមកដល់កម្ពុជា សម្រាប់ស្ដារសេដ្ឋកិច្ចឡើងវិញ និងឆ្លើយតបទៅនឹងវិបត្តិកូវីដ-១៩។
ក្រសួងសេដ្ឋកិច្ច និងហិរញ្ញវត្ថុ បានប្រកាសឱ្យដឹងបែបនេះនៅក្នុងសេចក្ដីប្រកាសព័ត៌មានកាលពីថ្ងៃម្សិលមិញនេះ ក្រោយជំនួបពិភាក្សារវាងឯកឧត្ដមឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងឯកអគ្គរាជទូតជប៉ុនប្រចាំកម្ពុជា ឯកឧត្ដម ម៉ាសាហ៊ីរ៉ូ មិកាមិ (Masahiro Mikami) កាលពីថ្ងៃម្សិលមិញនេះ។
ក្នុងសេចក្ដីប្រកាសព័ត៌មាននោះ ក្រសួងសេដ្ឋកិច្ច និងហិរញ្ញវត្ថុ បញ្ជាក់ថា ជប៉ុនបានពិចារណាផ្ដល់ឥណទានសម្បទានដំណាក់កាលទី២ ដែលមានទឹកប្រាក់ ២០ប៊ីលានយ៉េន ឬប្រហែល ១៨០លានដុល្លារ មកដល់កម្ពុជា។
បើតាមសេចក្ដីប្រកាសព័ត៌មានដដែលនេះ ភាគីកម្ពុជា និងជប៉ុន គ្រោងនឹងចុះហត្ថលេខាលើកិច្ចព្រមព្រៀងឥណទានសម្បទាននេះនៅក្នុងខែក្រោយនេះ៕អត្ថបទ៖ សុធី
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
