នាព្រឹកថ្ងៃព្រហស្បតិ៍នេះ រដ្ឋមន្រ្តីការបរទេសបារាំងលោក Jean-Noel Barrot បានជួបពិភាក្សាការងារជាមួយសមភាគីចិនលោក Wang Yi នៅទីក្រុងប៉េកាំងកាល ។

 ពួកគេបានចាប់ដៃគ្នានៅមុខទង់ជាតិបារាំង និងទង់ជាតិចិន មុនពេលចូលក្នុងបន្ទប់ប្រជុំ សម្រាប់កិច្ចពិភាក្សានៅឯវិមានរដ្ឋ Diaoyutai ស្ថិតក្នុងរដ្ឋធានីប្រទេសចិនមួយនេះ ។

 លោក Barrot ស្ថិតក្នុងប្រទេសចិនសម្រាប់ដំណើរទស្សនកិច្ចរយៈពេល ២ថ្ងៃ ដែលនឹងបញ្ចប់នៅថ្ងៃសុក្រស្អែកនេះ ហើយសន្និសីទសារព័ត៌មានរួមគ្នា ត្រូវបានគេរំពឹងថានឹងធ្វើឡើងផងដែរដោយរដ្ឋមន្រ្តីការបរទេសទាំង ២រូបនេះ នាថ្ងៃព្រហស្បតិ៍នេះ ។

 បារាំងគឺជាអ្នកគាំទ្រដ៏រឹងមាំមួយរបស់អ៊ុយក្រែន នៅក្នុងសង្រ្គាមរបស់ពួកគេប្រឆាំងការវាយលុករបស់រុស្ស៊ី ខណៈទីក្រុងប៉េកាំង បានគាំទ្ររុស្ស៊ីផ្នែកការទូត និងផ្តល់ដង្ហើមសេដ្ឋកិច្ចដល់ទីក្រុងម៉ូស្គូ តាមរយៈការទិញធនធានធម្មជាតិរុស្ស៊ី ។

 ដំណើរទស្សនកិច្ចរបស់លោក Barrot គឺជាឱកាសមួយ ដើម្បីវាយតម្លៃឥរិយាបថរបស់ចិនចំពោះអ៊ុយក្រែន មុនជំនួបសំខាន់ដែលធ្វើម្ចាស់ផ្ទះដោយបារាំង លើលទ្ធភាពនៃកម្លាំងថែរក្សាសន្តិសុខ សម្រាប់ប្រទេសមួយនេះ ៕