ភ្នំពេញ៖ «បញ្ចប់វិសមភាព បញ្ចប់អេដស៍ បញ្ចប់ជំងឺរាតត្បាតសកល» ពិតជាមានអត្ថន័យស្របពេលដែលរាជរដ្ឋាភិបាលសម្រេចបើកប្រទេសពេញលេញឡើងវិញ ដើម្បីប្រជាពលរដ្ឋរស់នៅតាមគន្លងប្រក្រតីភាពថ្មី និង ស្តារសង្គម-សេដ្ឋកិច្ច ដែលបានធ្លាក់ចុះនៅក្នុងបរិការណ៍កូវីដ-១៩។ នេះបើតាមសារលិខិតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិនៃវេ ទិកាភាពជាអ្នកដឹកនំាតំបន់អាស៊ី-ប៉ាស៊ីហ្វិក ឆ្លើយតបមេរោគអេដស៍ ជំងឺអេដស៍ និងការអភិវឌ្ឍនៅកម្ពុជាក្នុងឱកាសទិវាពិភពលោកប្រយុទ្ធនឹងជំងឺអេដស៍ ១ ធ្នូ ឆ្នាំ២០២១។

សារលិខិតរបស់សម្ដេចកិត្តិព្រឹទ្ធបណ្ឌិតដដែលបន្តថា សម្ដេចពិតជាមានសេចក្តីរីករាយដែលបានចូលរួមជាមួយរាជរដ្ឋាភិបាល, សកម្មជនប្រយុទ្ធនឹងជំងឺអេដស៍នៅគ្រប់លំដាប់ថ្នាក់ ជនរួមជាតិ និងប្រជាជ នទូទាំងពិភពលោក, ប្រារព្ធទិវាពិភពលោកប្រយុទ្ធនឹងជំងឺអេដស៍ ១ ធ្នូ ដើម្បីជំរុញកម្លាំងសាមគ្គីភាពជាតិ និងអន្តរជាតិ ជាមួយនឹងស្មារតីទទួលខុសត្រូវខ្ពស់, បន្តការខិតខំប្រឹងប្រែង ដើម្បីប្រទេសជាតិ និងពិភពលោក, ចៀសផុតពីការរើសអើង, ពុំមានអេដស៍, ពុំមានជំងឺរាតត្បាតសកល និងពុំមានជំងឺកាចសាហាវផេ្សងៗទៀត ទាំងបច្ចុប្បន្ន និងអនាគត។

សម្ដេចកិត្តិព្រឹទ្ធបណ្ឌិតក៏បានបង្ហាញនូវមោទនភាព និងចូលរួមអបអរសាទរចំពោះសមិទ្ធផលរបស់រាជរដ្ឋាភិបាល ដែលបានប្រយុទ្ធយ៉ាងស្វិតស្វាញ, ទប់ស្កាត់ការរីករាលដាលជំងឺកូវីដ-១៩ ប្រកបដោយជោគជ័យ ហើយបានបើកប្រទេសឡើងវិញពេញលេញ, ប្រជាជនមានសិទ្ធិសេរីភាពប្រកបមុខរបរចិញ្ចឹមជី វិតទៅតាមគន្លងប្រក្រតីភាពថ្មី ដើម្បីទ្រទ្រង់ជីវភាពគ្រួសារ និងសង្គម។

ទន្ទឹមនេះ, រាជរដ្ឋាភិបាលបានចូលរួមផ្សព្វផ្សាយដល់ប្រជាជននៅតាមមូលដ្ឋាន និងសហគមន៍ ដែលសង្ស័យថា មានផ្ទុកមេរោគអេដស៍ ឱ្យមកទទួលសេវាផ្តល់ប្រឹក្សា និងធ្វើតេស្តឈាមរកមេរោគអេដស៍ ជាពិសេសស្រ្តីមានផ្ទៃពោះដែល មានផ្ទុកមេរោគអេដស៍ឱ្យបានទទួលសេវាថែទាំ និងព្យាបាលបានទាន់ពេលវេលា, ក្នុងនោះ យើងបានទប់ស្កាត់ការចម្លងមេរោគអេដស៍ពីម្តាយទៅកូន ជាមួយនឹងការកាត់បន្ថយចំនួនមេរោគអេដស៍នៅក្នុងខ្លួនបានរហូតដល់ ៩០%។

បច្ចុប្បន្ន, កាកបាទក្រហមកម្ពុជា, ក្រុមការងារឥស្សរជនឆ្នើមថ្នាក់ជាតិ និង ក្រុមការងារឥស្សរជនឆ្នើមថ្នាក់សាខាទាំង ២៥ រាជធានី/ខេត្ត បានផ្តល់ការជួយឧបត្ថម្ភគាំទ្រលើកទឹកចិត្តអ្នករងគ្រោះដោយសារមេរោគអេដស៍ និងជំងឺអេដស៍ ដោយបានផ្គត់ផ្គង់ជាស្បៀង, លំនៅស្ថាន, ការសិក្សា, ការថែទាំសុខភាព, ការផ្តល់ទុន ដើម្បីប្រកបមុខរបរបានប្រមាណ ៩២%។

ម៉្យាងទៀត, យើ ងបានអប់រំផ្សព្វផ្សាយចំណេះដឹងអំពីជំងឺអេដស៍, ចែករំលែកបទពិសោធន៍ដល់អ្នកផ្ទុកមេរោគអេដស៍ និងពន្យល់អំពីសារៈសំខាន់នៃការប្រើថ្នាំប្រឆាំងមេរោគអេដស៍ ជាមួយនឹងការអប់រំមិនឱ្យមានការរើស អើងអ្នកផ្ទុកមេរោគអេដស៍នៅក្នុងសហគមន៍។

 ពេលនេះ កម្ពុជាទទួលបានជោគជ័យយ៉ាងធំធេង តាមរយៈស្មារតីសាមគ្គីភាពដែលជាចលករបង្កើតបានជាចរន្តជាតិ គឺការបញ្ចប់វិសមភាព បញ្ចប់អេដស៍ និងបញ្ចប់ជំងឺឆ្លងរាតត្បាតសកល។ ទន្ទឹមនេះ, កាកបាទក្រហមកម្ពុជា និងក្រុមការងារឥស្សរជនឆ្នើមបាន អប់រំផ្សព្វផ្សាយស្វែងរកការជួយគាំទ្រ ដើម្បីលើកកម្ពស់ការងារអាទិភាពចំនួន ៣ គឺការផ្តល់សេវាបង្កា រការចម្លងមេរោគអេដស៍ ទាំងក្នុងចំណោមយុវវ័យ និងក្នុងសហគមន៍ និងសេវាបង្ការការចម្លងមេរោគអេដស៍ពីម្តាយទៅកូន។

ការផ្តល់សេវាគាំទ្រសង្គម ដោយសារមេរោគអេដស៍ និងជំងឺអេដស៍ដល់ជនរងគ្រោះដោយផ្ទាល់ និងដោយប្រយោល និងទី៣. សេវាកាត់បន្ថយ និងលុបបំបាត់គ្រប់រូបភាពលើការរើ សអើងអ្នកផ្ទុកមេរោគអេដស៍ និងជំងឺអេដស៍។

សារលិខិតរបស់សម្ដេចកិត្តិព្រឹទ្ធបណ្ឌិតដដែលបញ្ជាក់បន្ថែមថា បច្ចុប្បន្ន, ជំងឺរាតត្បាតសកលកំពុងបន្តនៅតាមបណ្តាប្រទេសលើពិភពលោក, ដោយឡែកនៅកម្ពុជា ការឆ្លងជំងឺកូវីដ-១៩ នៅសហគមន៍មានការថយចុះយ៉ាងខ្លាំងគួរឱ្យកត់សម្គាល់, នេះគឺជាសញ្ញាវិជ្ជមានអនុញ្ញាតឱ្យកម្ពុជា អាចបើកប្រទេសវិ ញបានពេញលេញ ដើម្បីប្រជាពលរដ្ឋអាចមានលទ្ធភាពប្រកបមុខរបរ តាមគន្លងប្រក្រតីភាពថ្មី ក្នុងបរិការណ៍កូវីដ-១៩។

សម្ដេចកិត្តិព្រឹទ្ធបណ្ឌិតក៏បានអំពាវនាវឱ្យចូលរួមបង្ការការចម្លងមេរោគអេដស៍ដើម្បីបញ្ចប់ជំងឺអេដស៍នៅឆ្នាំ២០២៥ ឱ្យបានតាមការគ្រោងទុក និងចូលរួមអនុវត្តវិធាន ៣ ការពារ ៣ កុំ ដើម្បីធានាសុខុមាលភាពគ្រួសារ, សហគមន៍ និងសង្គមជាតិយើងផងដែរ។

សម្ដេចកិត្តិព្រឹទ្ធបណ្ឌិត ក៏បានអំពាវនាវដល់វិស័យឯកជន សប្បុរសជនគ្រប់មជ្ឈដ្ឋាន សូមបន្តភាពជាដៃគូ និងបន្តឧបត្ថម្ភគាំទ្រដល់កាកបាទក្រហមកម្ពុជា ដើម្បីរួមចំណែកជាមួយរាជរដ្ឋាភិបាល សម្រេចឱ្យបាននូវគោលដៅសូន្យបី នាឆ្នាំ២០២៥ ខាងមុខ៕ ដោយ៖ គង់ ឌិន