ក្រុមអ្នកស្រុក និងភ្ញៀវទេសចររាប់ពាន់នាក់ បានជួបជុំគ្នានៅមាត់បឹងស្ថិតក្នុងទីក្រុងវ៉ាស៊ីនតោន សហរដ្ឋអាមេរិក ដើម្បីទស្សនាផ្ការីកសាគូរ៉ា ខណៈពេលដែលវាជិតរីកពេញ ។

ដើមផ្កាសាគូរ៉ា ដែលបានមកដល់ទីក្រុងវ៉ាស៊ីនតោនដំបូងជាអំណោយពីប្រទេសជប៉ុនកាលពីឆ្នាំ ១៩១២នោះ តែងតែរីករាល់និទាឃរដូវនៅតាមបាត់បឹងរបស់ទីក្រុងវ៉ាស៊ីនតោនមួយនេះ ជាមួយនឹងផ្កាពណ៌ស៊ីជម្ពូរ ។

លោក Rubi Riley និងគ្រួសាររបស់គាត់ បានធ្វើដំណើរមកពីទីក្រុង Philadelphia ដើម្បីមកទស្សនាផ្ការីកសាគូរ៉ា ។ លោកនិយាយថា វាពិតជាស្អាតខ្លាំងណាស់ ដូច្នេះហើយទើបពួកយើងធ្វើដំណើរមកទីនេះ ។ ឪពុកម្តាយរបស់គាត់ នឹងមកតាមក្រោយក្នុងពេលដ៏ឆាប់ខាងមុខនេះ ហើយគាត់នឹងនំាពួកគេមកកាន់ទីនេះ ។

នេះគឺជាឆ្នាំដំបូងនៃផ្ការីកសាគូរ៉ា ខណៈពេលដែលសេវាកម្មឧទ្យានជាតិធ្វើគម្រោងសង់ជញ្ជាំងសមុទ្រ ដែលត្រូវការកាប់ចោលដើមសាគូរ៉ានៅតាមមាត់បឹង ។

អ្នកស្រី Nicole Amaya គឺជាអ្នកស្រុកម្នាក់ទៀត រស់នៅក្នុងរដ្ឋ Virginia ដែលមកទស្សនាផ្ការីកសាគូរ៉ារាល់និទាឃរដូវនោះ និយាយថា វាគឺជាក្តីសោមនស្សរីករាយកាលដែលមនុស្សសម្រេចចិត្តមកទីនេះ ។ វាពិតជាស្អាតខ្លាំងណាស់ គាត់ពុំដឹងនោះទេថាតើមានមនុស្សផ្សេងទៀត មានបានស្គាល់ដើមឈើនេះដែរឬអត់ ៕