រដ្ឋមន្ត្រីការបរទេសស៊ីរី លោក Asaad Al-Shaibani បានទទួលគណៈប្រតិភូពីប្រទេសចិន ដែលដឹកនាំដោយឯកអគ្គរដ្ឋទូតប្រចាំប្រទេសស៊ីរី លោក Shi Hongwei ។

ទីភ្នាក់ងារ SANA បានរាយការណ៍កាលពីថ្ងៃព្រហស្បតិ៍ថា លោក Shaibani បានស្វាគមន៍ជំហររបស់ចិនចំពោះការបន្តរំលោភបំពានរបស់អ៊ីស្រាអែលលើអធិបតេយ្យភាពរបស់ប្រទេសស៊ីរី នៅក្នុងតំបន់ភាគខាងត្បូងនៃប្រទេសនេះ។

ឯកអគ្គរដ្ឋទូតចិន បានអះអាងពីការគោរពរបស់ប្រទេសខ្លួន ចំពោះបូរណភាពទឹកដី និងឯករាជ្យភាពរបស់ប្រទេសស៊ីរី និងមិនជ្រៀតជ្រែកចូលក្នុងកិច្ចការផ្ទៃ ក្នុងរបស់ប្រទេសដទៃ។ លោកបានគូសបញ្ជាក់ពីការគាំទ្ររបស់ចិនសម្រាប់ស៊ីរី ក្នុងអំឡុងពេលអន្តរកាលក្រោយសង្រ្គាមស៊ីវិល។

អ៊ីស្រាអែលបានបន្តយុទ្ធនាការវាយប្រហាររបស់ខ្លួន នៅក្នុងប្រទេសស៊ីរី បន្ទាប់ពីការបណ្តេញលោក អាសា អាល់អាសាដ (Bashar al- Assad) ចេញពីអំណាច ហើយរបបរបស់លោក ត្រូវបានបញ្ចប់កាលពីឆ្នាំមុន បន្ទាប់ពីការសម្រុកចូលទៅមុខរបស់ក្រុមឧទ្ទាមបានបង្ខំឲ្យលោកភៀសខ្លួនទៅប្រទេសរុស្ស៊ី។

គួរបញ្ជាក់ផងដែរ ការវាយប្រហាររបស់អ៊ីស្រាអែល ក្នុងសប្តាហ៍នេះ ទៅលើភូមិ Kuwayya របស់ស៊ីរី ក្នុងខេត្ត Daraa ភាគខាងត្បូង បានបណ្តាលឲ្យជនស៊ីវិលយ៉ាងតិច ៦នាក់ ស្លាប់។