យោធាអ៊ីស្រាអែលនិយាយនៅថ្ងៃសុក្រនេះថា ពួកគេបានបាញ់ស្កាត់កាំជ្រួចផ្លោងមួយគ្រាប់ ក្នុងចំណោមកាំជ្រួចផ្លោងជាច្រើនគ្រាប់ ដែលត្រូវបានបាញ់ចេញពីប្រទេសលីបង់ ក្នុងនោះកាំជ្រួចផ្លោងផ្សេងទៀត បានធ្លាក់នៅក្នុងទឹកដីលីបង់ ។

 រដ្ឋមន្រ្តីការពារជាតិអ៊ីស្រាអែលលោក Israel Katz និយាយថា អ៊ីស្រាអែលនឹងឲ្យលីបង់ទទួលខុសត្រូវសម្រាប់ការបាញ់មីស៊ីលនលើតំបន់ Galilee ហើយពួកគេនឹងឆ្លើយតបយ៉ាងខ្លាំងក្លាចំពោះការគំរាមកំហែងលើសន្តិសុខរបស់ខ្លួន ។

 ការវាយប្រហារនេះ បានកើតមានឡើង ក្រោយការវាយប្រហារដោយគ្រាប់កាំភ្លើងធំ និងការវាយប្រហារតាមច្រកអាកាសរបស់អ៊ីស្រាអែល លើតំបន់ភាគខាងត្បូងលីបង់ កាលពីថ្ងៃសៅរ៍ ក្រោយអ៊ីស្រាអែល និយាយថា ពួកគេបានបាញ់ស្កាត់រ៉ុក្កែតបាញ់ឆ្លងកាត់ព្រំដែន ដោយបានសម្លាប់មនុស្សយ៉ាងហោច ៨នាក់ និងធ្វើឲ្យប៉ះពាល់ដល់បទឈប់បាញ់ដ៏ផុយស្រួយដែលបានបញ្ចប់សង្រ្គាមរយៈពេល ១ឆ្នាំជាមួយក្រុមប្រដាប់អាវុធលីបង់ហេសបូឡា ។

 ទោះបីជាយ៉ាងណាក៏ដោយ ក្រុមហេសបូឡា បានច្រានចោលទាំងស្រុងទំនួលខុសត្រូវចំពោះរ៉ុក្កែតដែលបានបាញ់កាលពីថ្ងៃសៅរ៍ ដោយពួកគេនិយាយថា ពួកគេពុំបានជាប់ពាក់ព័ន្ធនឹងរឿងមួយនេះឡើយ ហើយពួកគេនៅតែបន្តប្តេជ្ញាចិត្តចំបោះបទឈប់បាញ់ ៕