រដ្ឋមន្ត្រីការបរទេសអាល្លឺម៉ង់លោកស្រី Annalena Baerbock បានចោទប្រកាន់ប្រធានាធិបតីរុស្ស៊ីលោក វ្ល៉ាឌីមៀ ពូទីន ពីបទ «ប្រឹងប្រែងពន្យារពេល» ក្នុងការចរចាអំពីសង្គ្រាមនៅអ៊ុយក្រែន ខណៈដែលលោកស្រីបានធ្វើដំណើរទស្សនកិច្ច ទៅដល់ទីក្រុងគីវ នៅថ្ងៃអង្គារនេះ។

លោកស្រី Baerbock បាននិយាយនៅក្នុងសេចក្តីថ្លែងការណ៍មួយដែលចែករំលែកដោយក្រសួងរបស់លោកស្រីថា៖«អ៊ុយក្រែនបានត្រៀមខ្លួនរួចជាស្រេចសម្រាប់បទឈប់បាញ់បន្ទាន់មួយ។ លោក ពូទីនដែលកំពុងព្យាយាមពន្យារពេលនោះ មិនចង់បានសន្តិភាព និងកំពុងបន្តសង្រ្គាមឈ្លានពានរបស់ខ្លួន ដែលជាការរំលោភលើច្បាប់អន្តរជាតិ» ។

លោកស្រី បាននិយាយនៅក្នុងដំណើរទស្សនកិច្ចលើកទី៩របស់ខ្លួន ទៅកាន់អ៊ុយក្រែន ចាប់តាំងពីការចាប់ផ្តើមនៃសង្រ្គាមថា៖«លោក ពូទីន កំពុងក្លែងបន្លំឆន្ទៈ ក្នុងការចរចា ប៉ុន្តែមិនងាកចេញពីគោលដៅ  របស់ខ្លួនឡើយ។

កាលពីថ្ងៃទី ១១ ខែមីនា អ៊ុយក្រែនដែលកងទ័ពរបស់ខ្លួន កំពុងតស៊ូនៅជួរមុខ ហើយសហរដ្ឋអាមេរិកបានយល់ព្រមលើផែនការសម្រាប់បទឈប់បាញ់រយៈពេល ៣០ថ្ងៃ ជាមួយរុស្ស៊ី។

ប៉ុន្តែលោក ពូទីន បានច្រានចោលសំណើររបស់អាមេរិក ហើយបានលើកឡើងនូវវោហាស័ព្ទរបស់លោក ចំពោះទីក្រុងមូស្គូ ដែលចង់តែងតាំងមេដឹកនាំថ្មី នៅអ៊ុយក្រែន។